جاد شويري في مرمى النيران بعد طرحه كليب أغنية «الصيت» (صور)
"حطمت شيرين بجهلك".. رد صادم من والد حسام حبيب على تصريحات نجله
السبت 22/أكتوبر/2022 - 07:55 م
شيرين ووالد حسام حبيب
نور أحمد
شن والد الفنان حسام حبيب، هجومًا قويًا على نجله، على خلفية تصريحاته عن أزمته مع طليقته الفنانة شيرين عبد الوهاب وأسرتها، بعد دخولها إحدى المصحات النفسية من أجل التعافي من الإدمان.
وكتب حسين حبيب عبر حسابه الشخصي على موقع "فيس بوك": "قولوا الحق ولو على أنفسكم، هو ينفع أخالف شرع ربنا بحجة إني أحمي أولادي، البنات ليها الثلثين والأهل ليهم الثلث بعد عمر طويل وده يخلي الأهل راضيين ويراعوا البنات، بعد عمر طويل ودي صلة رحم وغير كده يزرع العداوة بين الأهل".
وأضاف والد حسام حبيب: "أنت كده مش بتحافظ على مال زوجتك إنت بتخالف شرع ربنا، والنتيجة إنهم فضحوها وقضوا على مستقبلها وزرعت العداوة بينهم وحطمت زوجتك بجهلك بشرع ربنا، ولو كنت بتسأل أبوك كان أرشدك للحق، والكل طلع كسبان يا قاطع صلة الرحم وعاصي أبوك، ضيعت نفسك وضيعت البنت معاك".
وتابع: "هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية، ويقعد أربع سنين من غير شغل وراجع تاني تقفل عليه الحنفية هو وأمه وأخته وعايزه يسيبك، يا ناوي على قوتي يا ناوي على موتي، الزوج يتعوض الأم والأخ ما يتعوضوش، كلمة حق لوجه الله والدين النصيحة".
واختتم: "إنت بتقول لما رجعت ليها العربية واحد بيشتغل معاها أخد العربية اللي بـ5 مليون وقالها هابقى أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع وإنها بتكتب شيكات للناس على بياض إنت كده بتدي مبرر لأهلها ليحجروا عليها وبتطلعها إنها سفيهة وعبيطة وأنا من معرفتي بيها انها واعية وناصحة بتيجي تكحلها تعميها، اسأل أبوك يقولك تقول ايه".
تصريحات حسام حبيب:
وكان الفنان حسام حبيب، طليق الفنانة شيرين عبد الوهاب، قد صرح أن "كل المحيطين بشيرين كانوا بييجوا في أي وقت، وكل الناس كانوا قريبين منها، وأصدقاء كتير اتجمعوا حواليها، لدرجة إن أوضة نومنا أنا وهي كانت كأننا في محطة مصر".
وأضاف في مداخلة هاتفية ببرنامج "الحكاية"، مع الإعلامي عمرو أديب على قناة "إم بي سي مصر": "التسجيل المنتشر كان مكالمة خاصة جدا بيني وبين صديق وكنت وقتها متخانق مع شيرين، وأنا كمان بكتشف الناس اللى حواليا زي ما شيرين بتكتشف الناس اللي حواليها".
