فن وثقافة

في حوار قديم.. ماذا قالت وردة عن فايزة أحمد في آخر أيامها؟

الجمعة 21/أكتوبر/2022 - 01:02 م

وردة وفايزة أحمد

بسمة خالد

في مقابلة تلفزيونية قديمة من برنامج "ساعة صفا" على شبكة ART، روت الفنانة الراحلة وردة، للفنانة صفاء أبو السعود، تفاصيل الأيام الاخيرة من حياة الراحلة فايزة أحمد، ومدي معاناتها مع المرض.

انفعالية لكن طيبة القلب

وقالت وردة واصفةً الفنانة فايزة أحمد: "فايزة واحشاني، هي انفعالية لكن طيبة القلب، ومع الأسف معرفتش ده إلا لما عيت لما رحتلها المستشفى، ففعلا في الآخر بقيت كل يوم أروح لها البيت لحد ما ودعتنا، وكنت بحس أيامها إني وحشه، لأن الست دي ساذجة مش وحشه ولا لئيمة".

ندمانة علي السنين اللي فاتت

وتابعت وردة كلامها في اللقاء قائلة: "هقول على حاجة يمكن خاصة شوية، بس هقولها عشان تعرفي أد إيه إتعذبت في الآخر. أنا لما كنت بحضنها عشان أرجع بيتي وهي كانت في سريريها، إتصوري كانت بتطبل في السرير وبنغني ونقلد ونضحك، وندمانة على السنين اللي فاتت مكنتش بقعد معاها".

معاناة كبيرة

واستطردت كلامها عن مدي معاناة الراحلة فايزة أحمد في آخر أيامها: "أنا دمي مش خفيف زيها، دي ما شاء الله بتقلد حتى الرجالة. فباخدها بالحضن وبوستها قوي، فقالتلي غريبة يا وردة إنت أول واحدة بتحضنيني لإنهم كلهم خايفين إن المرض اللي عندي يكون معدي. شوفي الكلمة قاسية ازاي، الناس القريبين منها خايفين يبوسوها".