كلام ستات

بعد انتشار «لعبة الموت» في المدارس.. استغاثة عاجلة من الأمهات

الخميس 20/أكتوبر/2022 - 10:04 م

ساندي جرجس

تصدرت لعبة "كتم الأنفاس" تريند مواقع التواصل الاجتماعي خلال الأيام الماضية، حيث تسببت في نشر الخوف والذعر بين الأمهات لمخاطرها على الأطفال وتعريض حياتهم للخطر.

وانتشرت التعليقات من الأمهات على مواقع التواصل الاجتماعي كالآتي:

قالت هويدا: «أنا وريت اللعبة دى لبنتي وحذرتها وعرفتها إنها لعبة خطرة، ممكن تؤدي للوفاة علشان محدش يضحك عليها ويفهمها عكس كدة، وأنها مجرد لعبة للهزار، إحنا فى البيوت ومنعرفش ولادنا بيحصل ليهم إيه يبقى كويس إننا عرفنا دوركم التوعية وأنها مش لعبة عادية».

وعلقت جيجي: «منتهى التخلف والله بنتي أصحابها أقنعوها تعمل كده وأغمى عليها في المدرسة فعلاً وربنا ستر عليها أرجوكم عرفوا أولادكم مش كل حاجة تتسمع يقلدوها وربنا يسترها على ولادنا جميعا».

وقال أحمد : «نعم هذه لعبة خطيرة جربوها أصدقائي فيا كنت برابعة ابتدائي منذ 35 سنة وقعت ارضا وتعورت في وجهي ولم أشعر بشيء إلا بعد 5 دقائق وكانت صعبة».

وعلقت ساندي: «المشكلة أنا أخاف أوريها لأولادي تبقى مش في دماغهم ولما يشوفوها هيجربوها من فضولهم».

وعلقت هبة: «ربنا هو اللى بيسترها لأن أي حد ممكن يموت فورا بسبب إنه بيحني الرجل فبذلك الشريان هيمنع وصول الدم للقلب فبذلك القلب دقات ستصبح أبطأ وعند الوقوف ووضع اليدين على الأكتاف بتمنع وصول الهواء والأكسجين إلى المخ فيصبح القلب والرئة والمخ فى حالة توقف مؤقت ولو طول لأكثر من 6 دقائق هيموت فورا.. خلو بالكم».