توك شو

مفيدة شيحة تُهاجم أسرة شيرين عبد الوهاب: «مش متعاطفة معاهم»

الإثنين 17/أكتوبر/2022 - 11:33 م

نور احمد

هاجمت الإعلامية مفيدة شيحة، أسرة الفنانة شيرين عبد الوهاب، بسبب تصريحاتهم عن أزمتها وكشفهم تفاصيل إيداعها في إحدى المصحات النفسية خلال الفترة الماضية.

وقالت مفيدة شيحة في تصريحات خلال برنامجها "الستات" المذاع عبر فضائية "النهار" :" نحن في مرحلة حرجة جدًا في حياة شيرين النفسية، خلونا كإعلام وسوشيال ميديا نرجع للوراء، والقريبين منها يطمنوا عليها من بعيد".

وأضافت مفيدة شيحة: "سيبوا شيرين تطلب الاستشارة النفسية أو ترفضها وتقرر تسافر أو تعمل أغنية وألبوم جديد".

وأردفت الإعلامية: "شيرين ممكن تكون بتعدي بتجارب مش حلوة لكن هي مش مجنونة، بلاش نتعامل معاها على إنها عيل صغير أو وحش كاسر أو خزنة فلوس".

وتابعت: "إحنا مش متعاطفين مع أخو شيرين، ووالدته لها كل الاحترام لكن إنك تتكلمي عن بنتك في برنامج له جماهيرية كبيرة وتقولي انقذوني ده شيء مش آدمي وفي منتهى العنف والقسوة، وأنتِ كده مش بتنقذيها، أنتِ كإنك ضربت سكينة في قلبها، وأنا متأكدة إنك بتحبيها".

وفي ختام حديثها، وجهت مفيدة شيحة رسالة خاصة إلى أسرة شيرين عبد الوهاب وقالت: "رجاء احتووا الموقف واقفلوا بقكم، مش عايزين نعرف تصريحات، عايزين نسمع أغنية حلوة لشيرين".

تصريحات والدة شيرين عبد الوهاب

وقالت والدة الفنانة شيرين خلال مداخلة هاتفية ببرنامج "الحكاية" مع الإعلامي عمرو أديب: "حسام حبيب ده شر انقذوا بنتي منه.. وبتسهر هي وحسام حبيب يشربوا مخدرات استنجد من سارة الطباخ وحسام حبيب".

وأوضحت والدة الفنانة شيرين أنها طلبت من نجلها محمد الذهاب بشقيقته شيرين إلى المستشفى قائلة: "أنا اللي طلبت من ابني إنقاذ أخته، وطردت حسام حبيب من بيتي، الواد ده شر، وبنتي بقالها 3 أيام بتشرب هي وحسام حبيب، وطردتني أنا وأختها من البيت".

وتابعت: "كانت هناك خلافات سابقة بيني وبين حسام حبيب، وعلاقتي ببنتي كانت كويسة جدًا، ولكنه أول ما جه طردتني، أنا اللي اترجيت ابني عشان مش مآمنة عليها.. وحسام حبيب قالي هتجوزها قولتله لما تشوف حلمة ودنك".

واختتمت والدة شيرين: "بطلب من ربنا تحموها من حسام حبيب، لأنه شر، بنتي كانت كويسة والواد ده رجع قلب حالها".

اقرأ أيضًا..