فن وثقافة

نجوم الفن يدعمون شيرين.. راندا البحيري تنهار وإيناس عز الدين «عاوزة تلطشها»

الإثنين 17/أكتوبر/2022 - 09:57 م

بسمة خالد

عم الحزن الوسط الفني بسبب أزمة الفنانة شيرين عبد الوهاب الأخيرة وتعاطف معها عدد كبير من نجوم ونجمات الفن ومنهم راندا البحيري التي انهارت على الهواء مباشرةً بسببها.

وكانت الفنانة شيرين عبد الوهاب تصدرت محركات البحث في الساعات القليلة الماضية لأكثر من سبب/ حيث اعتدى عليها شقيقها واتهمها بتعاطي المخدرات كذلك أكدت والدتها أن حالتها النفسية تسوء بعد عودة العلاقات بينها وبين حسام حبيب مما جعل قضيتها مطمعا للرأي العام.

ونشرت راندا البحيري فيديو عبر موقع "فيسبوك" تبكي فيه بسبب حزنها علي شيرين قائلة: "أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل، اليوم ده كنت مخنوقة فيه بشكل مش طبيعي، وبعدين سمعت قرار الاعتزال يومها حسيت إن القرار ده مش ملكها، ده مش حقها لأنها بتاعتنا، بتاعة المصريين".

وتابعت راندا البحيري: "ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان يعيش في الدنيا".

واختتمت: "حُب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشة وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك".

إيناس عز الدين تدعم شيرين

من جانبها نشرت الفنانة إيناس عز الدين منشورا للفنانة شيرين عبر موقع "فيسبوك" تقول فيه: "شيرين أنا بحبها لدرجة نفسي أمسكها وأفضل ألطش فيها بكل قوتي لحد ما تفوق وترجع لنفسها.. واجعة قلبي باللي بتعمله في نفسها وباللي بيعمله اللي حواليها فيها".

واستطردت: "كانت محتاجة حاجة وناقصاها وعايزة تعيشها وحسام استغل ده فيها وداس بكل ما فيه من قوة وهدمها فنيًا ومعنويًا ونفسيًا وكمان صحيًا".

واختتمت حديثها: "وفي الضعف والاحتياج المعنوي هما الوسيلة اللي شيرين اتأذت بسببهم.. كفاياكم جلد وتقطيع فيها ربنا ما يكتب عليكم اللي هي فيه وينتقم من اللي كان السبب".

اقرأ أيضًا..