"انضفي من جوة يا صفرا".. سالي عبد السلام تشن هجومًا ناريًا على منتقديها

شنت الإعلامية سالي عبد السلام، هجومًا قويًا على منتقديها، عبر حسابها الشخصي "انستجرام" وذلك بسبب صورها الأخيرة مع زوجها أثناء أداء مناسك العمرة بعد قضائهما لشهر العسل.

وشاركت سالي جمهورها بصورة جديدة لها وهي تجلس في الفندق إلى جانب الشرفة وتنظر إلى الكعبة من الأعلى، وكتبت تعليقا طويلا وجهت فيه رسالة إلى كل من سيكتب ليسألها إن كانت تضع مكياجا على وجهها أثناء تأدية العمرة قائلة: "لازم تنضفى من جوا يا صفرا".

وكتبت سالي عبد السلام عبر حسابها: "الحمد لله حمدا كثيرا يا ربي، العمرة رقم 7 منهم عمرة فى رمضان، وأغلاهم العمرة معاك يا مؤمن، دعيت ربنا يجيبك وأتمنيت اللى نفسى فيه الله أكبر، وهفضل أعد وهفضل أجاهد وربنا اللى بيكرم، اشغلهم بنفسهم يا رب، أضعاف ما يتمنوه أو قالوه، أجعل تدبيرهم تدميرهم". 

وأضافت في رسالة لمنتقديها: "خلصت ولازم أديلكم حقكم، خناقة كل عمرة؟؟ حاطة ضوافر؟؟ اللهم بارك ما شاء الله لا حاطة full makeup؟ اللهم بارك لا هقولكم الدكتور بتاعى بس أخلص والله". 

وأردفت الإعلامية سالي عبد السلام: "نتفق على حاجة قبل ما أقول وأعملكم فيديو إزاى تبقى بشرتك أو ضوافرك كدة وتهتمى بنفسك فيلفوا حوالين نفسهم كدة لا مالهاش علاقة إنك تستحمى كتير.. نتفق أنك لازم تنضفى من جوا يا صفرااااااا عشان الوصفات تفيدك أنتى وهى وهو، جو عمليات تجميل ده قدم.. أنتى مش وحشة بس مش معاكى فلوس قدم برضه لا انتى لا حلوة من جوا ولا من برا ولا معاكى فلوس، على نياتكم ترزقون إلا من اتى الله بقلب سليم القوة من عندك يا الله". 

وشهدت صور الإعلامية سالي عبد السلام العديد من التعليقات والانتقادات من جماهيرها، مثل: "اقفلي النت يا سالي وانشغلي بالمكان الجميل في رحاب الرحمن ما تشغليش بالك قالو إيه كل واحد يكتب في كتابه ما يشاء وهي صفرا أو حمرا ده لنفسهم خليكي آنتي في حتة تآني متخليش الشيطان يشغلك بيهم.". 

وكانت الإعلامية سالي عبد السلام قد كشفت في وقت سابق عن هوية زوجها، وذلك بعدما تصدرت تريند منصات التواصل الاجتماعي بعد حفل زفافها، حيث كتبت في منشور عبر حسابها الرسمي على "فيس بوك": "الحمدلله الذي تتم بنعمته الصالحات، ‎ما شاء الله اللهم بارك، لما يتقالي مصر كلها فرحنالك ده رزق، لما الناس دي كلها اللي بحبها تيجي ده رزق، كل واحد عمل شغله بحب في الفرح ده رزق".

وأضافت سالي: "إن يتقالي قفلتي الجيزة كلها ومفيش مكان في باركينج الأوتيل، الناس بتركن برا صف تالت عشان تجيلكوا ده رزق وإحنا آسفين، ‎طول عمري كان نفسى أتجوز ظابط محترم وطيب وبيخدم الناس، ربنا رزقني بظابط مهندس، مقدم مؤمن الباز، ابن عمدة الشرقية الحاج سالم حبيبي الله يسعده".

وعن زوجها، قالت سالي عبد السلام: "صبرنا أنا ومؤمن 36 سنة وهو صبر ٤ أيام أكتر، هو أكبر بـ4 أيام، كل المعلومات اللي الأخوة الصحفيين كتبوها مش صح، لا رجل أعمال ولا خريج الـAUC، الحمدلله حمداً كثيراً، وبرضه محدش هيصدق عرفنا بعض إزاي".