توك شو

سارة نخلة: سأخون زوجي في حالة واحدة.. وهذا ما يضايقني من رضوى الشربيني

الجمعة 14/أكتوبر/2022 - 12:00 م

سارة نخلة

بسمة خالد

حلت الفنانة سارة نخلة ضيفة في برنامج "نص الكلام"، الذي تقدمه الإعلامية راغدة شلهوب عبر فضائية "النهار"، وتحدثت فيه عن الكثير من التصريحات الجريئة عن علاقة الرجل والمرأة ورأيها في الإعلامية رضوى الشربيني.

رأيها في الخيانة الزوجية

تحدثت سارة نخلة عن تصرف المرأة عند خيانة زوحها، قائلة: "اللي هتسامح مرة هتعيش عمرها كله بتسامح، وأنا مقتنعة تمامًا إننا قدام حاجتين، يا تواجهي وتسامحي، أو تمشي، ولو خانني أخونه، ولو هو في نزوة أنا كمان هبقى في نزوة".

عن الرجال

وأوضحت رأيها في جنس الرجال قائلة: "كل الرجالة خاينين، في واحد هيخون بعد شهر وواحد هيخون بعد عشر سنين، وأنا عارفة إني بعد كده أكيد هتخان، وعرفت إن اتخنت مرة واتوجعت ساعتها عشان الخيانة وحشة أوي بس، أنا بنسى لكن مش بسامح".

رأيها في رضوى الشربيني

وتطرقت للحديث عن رأيها في رضوي الشربيني فقالت سارة: "بحب رضوى جدًا وبحترمها على المستوى الشخصي، وبناتها قمة الأدب والإحترام، واحنا عند بعض عالفيس بوك، بس بتضايقني كلمة اختاروا صح، عشان بتكوني فاكرة نفسك اختارتي صح وبعد الجواز بيحصل حاجات غريبة، ورضوى بترفع سقف طموحات البنات، وعشان احنا كمجتمع عربي مبنعرفش نختار".

المشاهد الساخنة في السينما

وعبرت الفنانة سارة نخلة عن رأيها في أداء المشاهد الساخنة في السينما قائلة: "أنا معنديش أي مشكلة مع أي مشهد تمثيلي، لكني شخصية بتتكسف، ومن الصعب عليا أن أقوم بعمل فيه مشهد يحتوي على قبلة مع رجل غريب وهناك طاقم عمل بيتابع اللي بيحصل".

وأضافت: "أنا بتكسف أعمل كده في الحقيقة مع جوزي، فكيف أقوم بتمثيله مع رجل غريب؟، لكن لو كان الممثل جوزي في الفيلم وفي الحقيقة ساعتها هفكر".