بسبب ياسمين عز.. مي حلمي تفتح النار على ياسمين الخطيب

شنت المذيعة مي حلمي، هجومًا قويًا على الإعلامية ياسمين الخطيب، بسبب ما كتبته عن زميلتهما الإعلامية ياسمين عز بعد تصريحاتها الأخيرة.

ونشرت مي حلمي جزءًا من كلام ياسمين الخطيب، وكتبت معلقة عبر حسابها على "فيسبوك": "ماعنديش أدنى شك غير إن اللي تقول كده على زميلتها واحدة منفسنة عليها مش أكتر".

وأوضحت: "ما البرامج كتير والهبد كتير، اقلبي يا حببتي واتفرجي على رضوى الشربيني مدام ياسمين مش عجباكي، ولا ياسمين عز وجعاكم؟"، مضيفة: "ما تتفرجوا على بقيت البرامج، إزاي تحاربي ست زيك ولا عشان إنتي قاعده وهي بتشتغل؟ فالهرية والنكتة شغالة عليها؟".

ودافعت عن ياسمين عز قائلة: "هي حرة في رأيها، يدوس على السجادة يدوس على وشها هي حرة، وكل واحدة حرة تعامل جوزها إزاي، ولو بتنصحهم يبقوا كويسين مع إجوازتهم دي حاجة حلوة مش وحشة".

وتابعت الإعلامية مي حلمي: "أنا عن نفسي بحب ياسمين، وليه نكسر في واحدة نجحت، انضفوا بقى وخليكي منك ليها في نفسك، اعرفوا تنجحوا الأول وابقوا اتكلموا على غيركم".

وأردفت: "وإيه الطريقة دي بتاعت يع وبلدي، إيه ياختي عيشي عيشة أهلك واحترمي زميلتك، ما أجرمتش، ولا لازم تطلع تقول إدي جوزك بالشبشب عشان تتبسطي، آه آسفة، أصلها مسمعة فمزعلة الفشلة"، مستطرده: "هتقولولي ناجحة في إيه؟ اه ناجحة وبتتفرجوا عليها، ومدام بتتفرجوا عليها وبتجيبو سيرتها تبقي ناجحة، وأما تتكلم عليها واحدة بتحكها في المذيعات ومش عارفة، تبقي ياسمين نجحت".

واختتمت مي حلمي حديثها: "وريحي يابتاعت اليع وريحي يا منفسنة منك ليها، يمكن لو خلتيه يمشي على السجادة ماكنش طفش".

وكانت ياسمين الخطيب قد انتقدت ياسمين عز قبل أيام وكتبت عبر "فيسبوك" تناقش تصريحاتها، وقالت: "شيء مؤسف جداً، ومثير للغثيان، أن تتحدث اعلامية على قناة مرموقة، عن حسن معاملة الزوج، فتقصرها على: سيبيه يدوس على السجادة، وشيلي انتي كيس الزبالة، واديله ورك الفرخة! حاجة بلدي ومقرفة جداً".

وأكدت: "يعني يا ست لو عايزة تنحازي للرجالة عشان الترند -إللي مش هايدوم- اتكلمي عن مشاكل الرجال الحقيقية، عن مصاريف الزواج المبالغ فيها، والطلبات إللي بتقسم ظهر الشباب، من مهر وشبكة وخلافه، عن مشكلة الرؤية للرجال المطلقين، إللي مش بيشوفوا عيالهم أكتر من ساعة أسبوعياً في أقسام الشرطة، اتكلمي عن المشاركة، عن المودة والرحمة".