في الآونة الأخيرة أعلنت الفنانة مي حسن قيامها بإجراء عملية إجهاض.. مؤكدة في منشور لها عبر حسابها الرسمي علي موقع التواصل الاجتماعي "فيس بوك" أنها غير نادمة على ذلك، قائلة: "الصورة دي مفيش مخلوق شافها غيري أنا ودكتوري بس، ومكنتش ناوية خالص إن حد يشوفها بس امبارح حلمت بأبويا وبالصورة دي والنهاردة لما رجعت تاريخ تصورها والتحاليل لقيت أن النهاردة كان هيبقي ميعاد ولادتهم وأنهم ييجوا للدنيا".

وأوضحت مي حسن أنها حزينة علي ذلك لكنها غير نادمة قائلة: "ربنا ما ماكتبش ده وأنا كان ليا يد في أنهم ما يجوش ولكن رغم حزني الشديد النهاردة أنا مش ندمانة على قرار الإجهاض بسبب ظرفي الصحي لأن لو أنتي مش متأكدة أنك قد المسؤولية ومؤهلة نفسيا وماديا وجسديا لاستقبال طفل جديد لازم تاخدي القرار دون رجعة".

واختتمت مي حسن كلامها "رغم أن ده هيسببلك أذى نفسي كبير ولكن أحسن ما يتسبب في عيش أطفال في بيئه ومناخ يؤثر عليهم طول حياتهم، أنا مش عارفه هما كانوا بنتين ولا ولدين ولا ولد وبنت بس أيا كان بس  كنت متأكده إنهم مش هيطلعوا شبهي، أنا حبتهم والله لأن أنا الوحيده اللي شفتهم".

وجاء ذلك الخبر بعد إعلانها انفصالها مؤخراً في منشور لها عبر موقع الفيسبوك قالت فيه "الحمد لله الذي تتم بنعمته الصالحات، طلاق".

وبعد تصدرها منصات التواصل الاجتماعي بسبب الطلاق من الفنان شمم الحسن عادت وكتبت "هو احنا أنبياء يا جماعة، ايه المشكلة، تم الانفصال نهائيًا عن الفنان شمم الحسن وربنا يوفقه ويوفق كل واحد لوحده ايه المشكلة شكرا جزيلا لاهتمامكم".