ياسمين عز في مرمى نيران الجمهور بسبب عروس الإسماعيلية.. شاهدي!

تعرضت الإعلامية ياسمين عز، لهجوم كبير من المستخدمين عبر منصات التواصل الاجتماعي خلال الساعات الماضية، وذلك على هامش أزمة عروس الإسماعيلية.

ومن خلال آخر منشور نشرته ياسمين عز عبر صفحتها الشخصية على "فيس بوك"، هاجم المستخدمون الإعلامية بسبب آرائها، حيث كتب حساب باسم "أٍم روان": "شوفتي إنتي عروسة الاسماعيلية يا حلوة حصلها إيه، وتقولي ليها لمي الليلة لمي ليلتك إنتي الأول... ما هو أصل اللي يدي لحد فرصة إنه يهينه هيبقى إنسان مهزأ وشخص هيفضل يهينوا ويذلوا ومتقعديش تقولي في كلام يشل بالله عليكي".

بينما قال حساب آخر باسم "إسراء": "يا ريت بعد اللى حصل لعروسة الإسماعيلية اللى قعدتى تقولى اصيله، تبطلى الكلام ده شويه مش عايزة تشقطيلك عريس ولا عايزة تتشهرى تقعدى تهلفطى بكلام ده".

بينما قالت إيمان: "شكلك معرفتيش اية اللى حصل لعروسة الاسماعلية كفاية بقى هرى اللى يعيش لازم يعيش بكرامة مفيش كرامة يبقى مع السلامة مش ذل ولا اهانة ولا هو كاسر عينى علشان استحمل القرف والضرب والاهانة فوقى يا استاذة وانزلى لأرض الواقع للاسف كلامك كله عاوز واحدة تبقى معندهاش كرامة".

وتعرضت السيدة الشهيرة بعروس الإسماعيلية للضرب والسحل ليلة زفافها أثناء خروجها من "الكوافير"، ليعيد زوجها الكرة ويكرر الضرب والتعذيب مرة ثانية بعد 8 أشهر من الزواج، مما أسفر عن تحريرها محضرًا ضده اتهمته فيه بالضرب المبرح، وإحداث إصابات في أماكن متفرقة بجسدها.

وقالت عروس الإسماعيلية: "زوجي ضربني وحبسني داخل شقة شقيقه لمدة 15 يوما، وعندما يفتح لكي يحضر لي أكل يضربني بالبونية في وجهي، وهددني بأنه سيلقي عليّ مياه نار حال تحريري محضر ضده".

وأضافت: "تعبت ومللت مرة ضربني ونزلت في الشارع بشعري وجسدي باين وأصوت عشان حد يلحقني منه، بس الشارع كله بيخاف منه، لدرجة إني أسرعت إلى الشارع دون حجاب، لكي أهرب منه واستغثت بالناس في الشارع، لكن الجيران يخشون من زوجي وأسرته لافتعالهم المشاكل وسوء تعاملهم مع الناس، ضربي بالبواني في وشي وجبت دم من بطني".