سالي عبدالسلام: حادثة المتحرش جابتلي عريس

تصدرت الإعلامية سالي عبد السلام محركات البحث عبر جوجل ومواقع التواصل الاجتماعي بعد زواجها من مؤمن الباز، والتي كشفت مؤخراً أن سبب زواجها منه جاء عقب حوارها مع المتحرش، مشيرة إلى أن حادثة التحرش هذه هي التي تسببت في زواجها من مؤمن، دون الكشف عن تفاصيل في القوت الحالي.

سالي شاركت عدة صور لها عبر حسابها علي موقع التواصل الاجتماعي وتبادل الصور والفيديوهات "إنستجرام" معلقةً عليها: "أخيرا اتجوزت حبي إن بعد الصبر جبر.. اللهم بارك لنا وبارك علينا واجمع بيننا فى خير.. قصة فيلم والله يا ربي ورب ضارة نافعة إن موضوع المتحرش ده يجيبلي مؤمن.. مش هزعل تاني من ابتلاء يا ربي"، وأوضحت أنها لن تحكي قصة التحرش التي تسببت في تجمعهما معًا إلا للإعلامية "مني الشاذلي" أو صاحبة السعادة "إسعاد يونس".

وتحدثت سالي عبد السلام عن حفل زفافها ومدى سعادتها فقالت في بث مباشر نشرته الإعلامية سهير جودة: "لما أتخانق مع جوزي هروح أشتكيه في المحكمة؟ أنا حاسة إني مخضوضة لسه ومخطوفة كده والفستان تقيل أوي ومش عارفه العرايس بيستحملوا الفساتين إزاي كده".

وتابعت سالي عبدالسلام عن زوجها "هشيل مؤمن جوزي في عنيا وهبطل جنان وهسمع الكلام وأخد بالي منه، وفستاني من نيقولا جبران وبتمنى من الجمهور يدعولي".

الإعلامية سالي عبدالسلام كانت قد أعلنت عبر حسابها على إنستجرام تعرضها للتحرش كاتبةً "ده واحد وأنا قاعدة من شوية فى العربية ومنزلتش حتى بشرب كوفى أنا وريم صاحبتى فى البنزينة اللى جمب بيتى جه يستظرف "معاكى شاحن؟؟" رديت بكل أدب لا.. وداخل بدماغه يشوف!!.. بعدها إنتي متضايقة ليه؟، قولتله حاجة متخصكش واتفضل امشي !.. لااااا متكلمنيش كدة!.. قولتله اتفضل من هنا!.. مفيش!.. ولسه هيقل أدبه ويستظرف تاني.. صورته".

وعن رد فعل الناس قالت: "لما الناس اتلمت بيقولهم كنت بطلب شاحن! الرجالة بقيت بتقوله هو معلش! السؤال هل هو العادى إن أي حد ممكن يكلم بنات ويستظرف ويدخل جوا العربية وعايزنا نسكت؟ إيه! احنا حصلنا ايه؟، السؤال بقى هو مين ده؟؟ وهل ده عادى؟.. فى بنات هتقبل ده عادى!! مجتمعنا شايف إنه عادى؟ ولما اقوله امشى ميمشيش".