أم فتاة أوسيم: زوجي قتل ابنته بعد حملها من أخيها

جريمة بشعة ومثيرة، القاتل فيها أب، قتل ابنته بمنطقة أوسيم بالجيزة، فور علمه بوضعها طفلًا لا يعرف من والده، والمثير أنه اكتشف عقب ذلك تعدد علاقاتها غير الشرعية مع عدة أشخاص، واتهمت أحدهم فزوجها له دون إرادتها، ثم علم الزوج أن المولود يعود لشقيقها حسب اعترافها له، فأخبر والدها؛ مما دعاه لقتلها.

في تلك الجريمة المثيرة والغريبة، كشفت أم الفتاة المجني عليها عن تفاصيل مثيرة، قائلة: ما حدث أنني من شهرين وجدت ابنتي مريضة وجسمها وزنه في زيادة ملحوظة، أبلغت والدها أن البنت تعبانة قالي روحي بيها للدكتور، والطبيب أبلغني أن البنت حامل، فرجعت البيت وقولت لأبوها راح أبوها ضربها وهي ساعتها اعترفتله على الأشخاص اللي عاشرتهم معاشرة الأزواج، وقالتله إنهم صاحب جوزي وكان شغال معاه على توكتوك، وابن أخويا وابني اللي هو أخوها.

وتابعت والدة الفتاة: المثير أيضًا أن ابنتي قالت إن صاحب والدها هو أول واحد نام معاها، وبعدها أبوها راحله علشان يشوف إيه اللي حصل، وبعد كده أبويا بعت جاب صاحبه، وكتب على البنت عرفي عشان البنت 15 سنة، وبعد كدة راحت بيت جوزها شهر وفضل يضربها لحد ما جت بيت جدها.

واستكلمت الأم: بعد فترة خلفت وكنا بنحاول نوصل لجوزها مش عارفين نوصله، لحد ما فوجئت إمبارح بأبوها جالي عند بيت جدها وطلب مني سجائر وعصير وأنا روحت أجيبله السجائر والعصير، ومكنش في حد موجود صاحي في البيت غير أنا وبنتي وكان أخويا وأبويا نايمين في الأوضة جوه.

وقالت: عندما عدت وجدت زوجي ماسك في إيده سكينة كلها دم، ولقيت البنت مرمية وغرقانة في دمها، صحيت أخويا وأبويا ساعتها علشان نشوف إيه اللي حصل، وساعتها قالوله إيه اللي انت عملته ده، قالهم أهو ده اللي حصل، عشان البنت بتقولي إن ابن خالها الثاني نام معاها برضو، وأخد تليفون أخويا واتصل بالحكومة، وجت الحكومة قبضت عليه.