رد قوي من إلهام شاهين على تصريحات مظهر شاهين بشأن جنازة هشام سليم

هاجمت الفنانة إلهام شاهين، الداعية مظهر شاهين، بعد تصريحاته الأخيرة التي نشرها عبر حسابه على موقع "فيس بوك" عن إهمال الفنانين للراحل هشام سليم، أثناء مرضه.

بدأت المشكلة عندما كتب الداعية مظهر شاهين عبر حسابه على موقع "فيس بوك": "كتير من الفنانين اللي راحوا جنازة هشام سليم عشان ينهاروا أمام الكاميرات، أنا واثق إن بعضهم ما فكرش مرة يتصل عليه ويقوله سلامتك في عزّ مرضه".

وتابع كلامه: "المريض بيبقى عاوز يحس بوجود الناس حواليه وقت الألم والمرض، مش يستنوا لما يموت عشان ينهاروا أمام الكاميرات لو حد من حبايبك مريض اسأل عليه قبل فوات الأوان".

ولم تصمت الفنانة إلهام شاهين عن هذه التصريحات؛ حيث قالت الفنانة من خلال مداخلة هاتفية على قناة "الحدث": "عرف منين إن محدش كان بيزوره ويطمن عليه هو كان عايش معاه؟ مفيش رد عليه، وانتوا اللي بتروجوا للآراء دي والمفروض الإعلام ميهتمش".

يذكر أن الفنانة إلهام شاهين أثارت الجدل في الساعات القليلة الماضية بعد إعلانها توثيق تبرعها بالأعضاء في الشهر العقاري عقب وفاتها قائلة: "أنا وثقت في الشهر العقاري أني متبرعة بأعضائي، ومبلغة إخواتي، وأنا أول واحدة ناديت بذلك وقبلي نادى بهذا الموضوع دكتور خالد منتصر".

وأضافت شاهين: "لأنه خير الواحد لما يموت الأعضاء دي هتموت معاه وهتروح لدود في الأرض، فـليه لاء محدش يستفيد بيها".

وعن تحريم بعض الشيوخ التبرع بالأعضاء قالت: "ولا شيخ حرمها، لأني سمعت كل آراء الشيوخ بتقول إن ده حلال وسمعت من دكتور خالد الجندي إن ده حلال جدًا إنك بترحم حد من الألم".