«عروسة لزوجي».. امرأة تبحث عن ضرة بسبب العلاقة الحميمية

كتبت امرأة منشورا أثار الجدل على موقع التواصل الاجتماعي "فيس بوك"؛ حيث تبحث فيه عن عروس لزوجها، وذلك بسبب أنها تكره العلاقة الزوجية.

وقالت المرأة في منشورها: «أنا مشكلتي مختلفة أنا زوجة وأم لـ 3 اأولاد عندي 28 سنة متجوزة عن حب مش صالونات بعد الجواز بسنة تقريبا وولادة الولد الأول كرهت العلاقة جدا جدا وبقيت أهرب منها بكل الطرق الممكنة، زوجي طبعًا زهق وتعب معايا وتفاصيل كتير ووصفات وحركات وعلاجات كل ما هو متاح حتى الشيوخ، أنا حاليًّا باسعى له إنه يتجوز ويشوف حياته وأنا أكون موجودة في حياته».

وأضافت: «زوجي عنده 35 سنة مقتدر وميسور الحال جدا ويقدر يفتح 4 بيوت مش بيتين، ووسيم وابن ناس ومحترم من الآخر كل بنت تتمناه وأنا موافقة يعني اللي هتيجي مش هتخرب البيت، اللي هتيجي يا بنات مش هتكون سبب في أي مشكلة ويا ريت تجيب دستة عيال إخوات لأولادي وهيكون ليها مكان مستقل وفرش راقٍ اللي تختاره واللي تشاور عليه، المهم تكون بنت ناس طيبين وعمرها ما هتندم ويا ريت السيدات الطيبات بلاش هجوم وسخرية مني.. نزليها بعنوان عروسة لزوجي».

قالت سهر: «يا حلاوة بدأتوا تسهلوا الدنيا أهوو مثال مشرف للزوجه العاقله سامحني يا رب».

بينما علق محمود: «طيب خلاص مادام انتي عايزاه يتجوز سبيه هو ينقي ويختار بمزاجه مش بمزاجك انتي هتيجي تختاريله بالطريقة دي ليه؟؟!! مش فاهمك بصراحة».

وقالت أسماء: «إزاي بتحبيه وإزاي تشوفيه في حضن وحداة تانية أكيد بتستهبلي دي الوحدة تشوفه في مقبرة، ولا يكون في حضن وحدة تانية وتشوف جنازته ولا تقدر تشوف جوازته».

وعلق طارق: «دا بوست أقسم بالله غسلني من جوا ولا الفوار عنده 35 سنة ومتجوز ومخلف وما شاء الله الله أكبر قادر يفتح كمان 4 بيوت ودستتين شربات قصدي أطفال».

كما علقت لمياء: «الست لما بتحب قلم روج استحالة تديه لحد يحط منه انتي بقى عادي كدة تجوزي جوزك».