بالتعاون مع التضامن.. الهلال الأحمر المصري يواصل فعاليات مبادرة «بإيديك تنقذى حياة»
المطرب "النقاش" يحيي أول حفل غنائي في ساقية الصاوي.. إليك الموعد وأسعار التذاكر
الجمعة 23/سبتمبر/2022 - 02:32 م
المطرب النقاش
بسمة خالد
يستعد الفنان أحمد سالم، المعروف بـ المطرب النقاش لإحياء أولى حفلاته الغنائية، بعد الشهرة وذلك خلال الشهر المقبل في 20 أكتوبر بمنطقة الزمالك في ساقية الصاوي
ومن المتوقع أن يغني أحمد سالم العديد من الأغاني الجديدة والقديمة المميزة والشهيرة عند الجمهور الذي يحبها ويتفاعل معها.
وكشفت ساقية الصاوي، عن أسعار تذاكر الحفل الأول لـ المطرب النقاش، حيث تتضمن أكثر من فئة، فيما تبدأ الأسعار بـ100 جنيه كحد أدني.
وكان أحمد سالم، روج للحفل بساقية الصاوي، عبر حسابه الشخصي بموقع التواصل الاجتماعي "فيس بوك" قائلا: "حبايب قلبي انتظروني، أول حفلة ليا بإذن الله في ساقية الصاوي 20 أكتوبر في الزمالك بأمر الله".
الفنان إسلام إبراهيم عن المطرب النقاش
من جانبه، أبدي الفنان إسلام إبراهيم رأيه في المطرب النقاش ووجه رسالة لأسرته عبر حسابه على موقع "فيس بوك"، قائلا: "انا عارف ان الكلام اللي هقوله ده ممكن ميعجبش ناس كتير بس انا شايف التريند ده من زاوية تانية خالص".
وتابع كلامه: "فكرة انك ربنا يرزقك بشابين زي دول ينطبق عليهم كلمة شباب زي الورد لانهم ربنا كارمهم بالوسامة والموهبة والصوت الحلو وعندهم المؤهلات انهم يكونوا نجوم ومتحاولش تساعدهم انهم يحققوا حلمهم او يعملوا الحاجة اللي بيحبوها وتفرض عليهم قيود ومسؤوليات مش بتاعتهم زي ان هما يجهزوا اخواتهم البنات اللي اكبر منهم حضرتك البنات دول انت اللي خلفتهم مش هما".
وأردف: "والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش اكيد هي مهنة محترمة وشريفة لكن اي حد مش موهوب يقدر يشتغلها لكن مش اي حد عنده الموهبة والصوت ده".
واختتم كلامه: "خلاصة الكلام احنا مش بنخلف العيال عشان نستعبدهم احنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة واي ابن بيفتح بقه او يعترض علي حاجة مش عجباه بيبقي ابن عاق كمان الولاد امانة هتتسأل عليها قدام ربنا".
