توك شو

عفاف شعيب: "واحدة عملتلي سحر للطلاق والعربية اتقلبت بيها"

الجمعة 23/سبتمبر/2022 - 01:05 م

عفاف شعيب

بسمة خالد

حلت الفنانة عفاف شعيب، ضيفة في برنامج "كلام الناس" والذي تقدمه الإعلامية ياسمين عز، عبر قناة "إم بي سي مصر"، تحدثت فيه عن تعرضها للسحر ودور الحجاب في حياتها ورسالة للمحجبات.

تعرضها للسحر

وقالت عفاف خلال اللقاء عن تفاصيل انفصالها عن زوجها: "واحدة عملتلي سحر عشان جوزي يسيبني وتخطفه مني، ولكن أنا قلت يا رب إنت وكيلي وبالفعل العربية اتقلبت بيها وعايشة طول عمرها عاجزة لإن عمري ما دعيت ربنا إلا وجابلي حقي، وأنا انفصلت عن زوجي ساعتها لأن العقد بيني وبينه انتهى خلاص.. زي المسلسل العقد بينتهي بعد ما بيخلص".

وأضافت: "عمري ما أخدت فلوس من زوجي رياض العريان زي ما الناس بتقول إني تزوجته عشان الفلوس، بالعكس مرة كنت عايزة أشتري عربية مرسيدس سنة 1988 ومكنش فيه تقسيط والمبلغ كان كبير ويصل لـ45 ألف جنيه، وطلبت إني أستلف منه الفلوس ورفض وقالي عربيتك حلوة مش محتاجة تغيريها.. وربنا بعتلي شغل والحمد لله جبت العربية من فلوسي".

رسالة للمحجبات

كذلك وجهت عفاف شعيب رسالة للمحجبات قائلة: "لازم نهتم بالملابس حتى لو كان الحجاب، لازم المحجبة تهتم بنفسها وشكلها ولبسها وأناقتها.. مش معنى إنها محجبة تبقى متبهدلة".

وتابعت: "على المحجبة أن تكون منظمة في لبسها علشان ده مهم، لازم يكون اللبس منسق لأني اتعودت على كده".

وأردفت: "حكاية الملابس أصبحت صعبة، خاصة الذوق الي يعجبني، في محل أتعامل معه منذ زمن وكنت أشتري منه ملابس كثيرة حتى قبل الحجاب، وكنت أشتري منه كل البدل المستوردة الألماني وغيرها، لكن بعد الاستيراد لما اتقفل بقيت بعاني مش لاقية الهدوم الألماني اللي متعودة عليها".

وأكملت: "الحجاب عصمني من حاجات كتير وبطلت أقعد مع ستات عشان جلساتهم كلها ذنوب، قبل ما اتحجب كنت بحضر كل المهرجانات وعمري ما قلت فلانة لابسة أحسن مني أو حاجة".