بحضور نبيلة عبيد وسوسن بدر | أنغام تتألق في حفل تحرير سيناء (صور)
منى زكي: عشت قصة حب قبل أحمد حلمي.. وضحكت لما قالي "بحبك"
الجمعة 23/سبتمبر/2022 - 01:37 م
مني ذكي
بسمة خالد
حلت الفنانة المصرية منى زكي، ضيفة في أولى حلقات الموسم الجديد من برنامج "سهرانين" الذي يقدمه الفنان أمير كرارة، وتحدثت عن حياتها الشخصية وعلاقتها بوالدها وأول ردة فعل لها بعد مصارحة أحمد حلمي بحبه لها.
حبها الأول
وقالت منى زكي في اللقاء: "كان عندي قصة حب قبل أحمد حلمي ولكنها انتهت بالفشل، بابا قال لي خليكي يا منى زي النجيلة.. بمعنى إن الحركة قد تكون أبطأ عند السير على النجيلة لكن بعد المرور منها يعود الإنسان إلى سرعته العادية من جديد".
مصارحة أحمد حلمي بحبه
وتحدثت منى عن لحظة مصارحة أحمد حلمي بحبه لها، قائلة: "ضحكت لما قال لي بحبك، لإن مشاعري كانت ملخبطة، قلت لنفسي وقتها إنت كنت عاملي ظريف عشان تقولي بحبك، كان جوايا حاجات كتير، جعلتني أضحك، وكمان كان معايا صحابي ومحرجة، ساعتها ضحكت معرفش ليه".
وتابعت: "إحنا قعدنا صحاب سنة ونصف أو سنتين كده".
علاقة مني بوالدها
وأردفت منى للحديث عن والدها، قائلة: "حب وحنية الأب يعطي الثقة في النفس لدرجة إنه لما يأتي رجل يقول إنتي حلوة ببقى عادي، بالعكس، تحس إن أهم منه أعطاك الثقة والحب والحنية".
وتابعت: "أنا كنت حياة والدي، وهو كان كل حياتي الله يرحمه، وحلمي اتعذب بسبب كده، لإنه عاش معانا فقرة فيلم عريس من جهة أمنية".
وأضافت: "بابا كان لما يتفق على حاجة مع أحمد، يقول تاني يوم، إيه ده، إيه اللي عملناه ده، لا، كنسلوا كل حاجة، ابتدي أنا أجيب جدتي وأقاربي عشان يهدوه، لإني كنت خلاص حبيت أحمد وحسيت إنه بني آدم مثقف أوي ومحترم أوي، ومابيتكسفش يعبر عن حنيته ومشاعره، لأن رجالة كتير بيتكسفوا يعبروا عن زعلهم أو حنيتهم أو مشاعرهم".
