بعد عرضه بموسم الرياض.. إيلي صعب يعود إلى منصة مشاهير هوليوود (صور)
رانيا يوسف تشوق جمهورها لإطلالة مهرجان القاهرة السينمائي: انتظروني
الأربعاء 21/سبتمبر/2022 - 10:34 م
رانيا يوسف
نور احمد
علقت الفنانة رانيا يوسف، على قرار الفنان الكبير حسين فهمي، رئيس مهرجان القاهرة السينمائي الدولي، بارتداء ملابس رسمية خلال فترة المهرجان.
وأكدت رانيا يوسف تعجبها الشديد من قرار حسين فهمي وقالت: "مستغربة بس هنعمل اللى يريحهم، ما دام اللبس هيكون فورمال، فسيبوني أخترع ليكم بدلة ومش هتبقى أي بدلة هتبقى بدلة باسم رانيا يوسف، وانتظروا بدلتي في الدورة الجديدة المليئة بالمفاجآت".
وتعرض النجم حسين فهمي، لهجوم كبير خلال الفترة الماضية من عدد من الفنانين والفنانات وذلك بسبب قراره الأخير، والذي أكد على أن الملابس الرسمية "الفورمال" هي الكود الرسمي للمهرجان، ولن يسمح بمخالفة ذلك.
وقال حسين فهمى: "المهرجانات الدولية كلها ليها زى رسمى وإحنا مهرجان دولى درجة أولى وأنا لما جيت المهرجان لقيت كل حد بيجى بيلبس اللى هو عاوزه أنا قلت لا عيب نستقبل الناس".
وتابع: "أنا لما بستقبل الناس في منزلى بحلق ذقنى وبلبس حلو مش هلبس بيجامة، والستات تلبس كويس، والموضوع اتطور فى الأسئلة ورينا الفستان جيباه منين شعرك مين عامله لأ مش ده المهرجان يعني، لازم كلنا نلبس دريس كود الفورمال".
وأكد حسين فهمي: "لازم كلنا نبقى ملتزمين بالملابس الرسمية بتاعة كل المهرجانات الدولية، ألان ديلون لما جه المهرجان كان جاي بالبدلة السموكنج على كتفه، ده عادي واللبس اللي إحنا بنتفق عليه دوليا".
واختتم رئيس مهرجان القاهرة السينمائي الدولي تصريحاته: "نفس الزي الرسمي هيبقى موجود، والناس هتلبس كويس وتبقى شيك وهيبان إنه مهرجان قيم جدا".
كما قرر مهرجان القاهرة السينمائى الدولى، تكريم الفنانة الكبيرة لبلبة، بمنحها جائزة الهرم الذهبي التقديرية لإنجاز العمر، وذلك خلال فعاليات دورته الـ 44، المقرر إقامتها في الفترة من 13 إلى 22 نوفمبر المقبل.
اقرأ أيضًا..
