طليق منة عرفة يوجه نصائح للزوجات: "متعمليش فيها راجل.. ومش بنيجي بالعند"

أوضح محمود المهدي، طليق الفنانة منة عرفة، أن السيدات هن السبب الرئيسي لحدوث عمليات الطلاق، موجهًا إليهن مجموعة من النصائح لتجنب الانفصال الذي يزداد وينتشر بصورة كبيرة مؤخرًا، حسب قوله.

ونشر المهدي عبر حسابه على موقع التواصل الاجتماعي "إنستجرام" من خلال خاصية "الاستوري"، قائلاً: "البوست بخصوص الطلاق اللي انتشر ومن وجهة نظري ليه أصبح منتشر بكثرة، الراجل بيتهاجم دائمًا، ابعدي عن كلام أي حد بيحاول يهدم بيتك أو تسمعي كلام إعلاميين أو سوشيال ميديا أو صحباتك المنفسنين بخصوص بيتك، دي حياتك إنتي، ومحدش هينفعك في الآخر أو يفضلك غير بيتك، والله الراجل مفتاحه سهل عمره ما بييجي بالعند".

 

وتابعه كلامه: "الراجل بيحب الست تكون مثقفة مش متفتحة open minded لإنك بتكوني شرفه وعرضه ودي حاجه كبيرة مبقاش فاهمها الجيل الحالي، فاهمها شيك في لبسها مش مثيرة ييعتمد عليها مش عامله قوية، تتنافس معاه مش تجادله، مينفعش تحطي نفسك في مقارنة معاه إنك زيه".

وأضاف: "زي ما إنتي عاوزاه يراعي ربنا فيكي إنتي كمان راعي ربنا في شقاه وتعبه وفلوسه، زي ما إنتي عاوزاه يحتويكي احتويه إنتي كمان بأدبك ورقتك وفلوسك وصوتك الواطي لإن ده الصح مش الكلمة بكلمتها وعدم حياء وتبجح". 

وأردف: "السبب الرئيسي لنجاح زواج آبائنا وأمهاتنا إن الست كانت أنثى وبتعامل الراجل على أنه رجل، السبب الرئيسي لفشل علاقتنا، في جيلنا الست عايزة تعيش دور الراجل".

وتعتبر هذه ليست المرة الأولى التي يخرج بها طليق منة عرفة ويوجه تصريحات غريبة عن السيدات ونصائح لهن، فسبق وأن كتب: "بنت الأصول تستحملك وبنت الحرام تستغفلك والناقصة تلعب بيك والجدعة تكملك".