بمكونات سهلة كيفية تحضير الزبدة الفلاحي في المنزل
منى عبد الغني تواجه هجوم السوشيال ميديا.. ما السبب؟
الثلاثاء 13/سبتمبر/2022 - 10:04 م
ساندي جرجس
انتشرت تصريحات للفنانة والإعلامية، منى عبد الغني، على مواقع التواصل الاجتماعي، عن ابنها وطريقة تعاملها معه، حيث قالت: «لو ابني طلب مني أكل في نص الليل أو حاجة عاوزني أعملها له مقدرش معملهاش حتى لو معنديش وقت بتصرف».
ولاقت هذه التصريحات هجومًا شديدًا على موقع التواصل الاجتماعي "فيس بوك" من صفحات مؤيدة للمرأة، حيث رأت تلك الصفحات أن هذه الطريقة في التربية هي التي تسبب في ظهور جيل متواكل من الشباب.
وقالت صفحة باسم: «women revolution» في منشور معلقة على تلك التصريحات: «الفنانة منى عبد الغني مبسوطة إنها خلت ابنها أد الشحط كدا ولسا بيستنى ماما عشان تأكله وتشربه، بكره يتجوز ويستنى من مراته تعمل زي ما ماما كانت بتعمل لأنه مبيعرفش يأكل نفسه ويشيل طبقه بعد ما ياكل».
وأضافت: «المشكلة إن منى شايفة إن اللي بتعمله ده هو الصح وإنها المفروض تتشال على الراس، منى أم مش كويسة وبتأصل للذكورية السامة اللي طلعتلنا جيل من الشباب اتكاليين بيصحوا أمهاتهم ومراتاتهم وأخواتهم البنات عشان يأكلوهم، منى أم ذكورية متكونيش زي منى».
وكانت التعليقات على المنشور ما بين القبول والرفض لتلك الطريقة في التربية للذكور بشكل خاص، حيث كتبت فريدة: «الولد مفكر حاله طفل مشلول ما لازم يتحرك ويجيب شغلة لنفسه لازم دائمآ في وحدة تلبي احتياجاته وتخدمه كأنه معاق».
بينما قالت مروة: «طيب ماهي حرة في رأيها وعيشتها مع ابنها مش لازم التعميم هي مش شخصية مؤثرة في العالم يعني».
كما علقت فاطمة: «أنا زي منى وزى أمهات كتير الله يعطيهم الصحة والعافية وأولادنا بيقولوا مفيش زى أمى في الدنيا وهذا يكفينا».
وقال شاب في تعليق آخر: «مش ضروري يكون تأصيل لمبدأ الذكورية هي ممكن تكون بتعمل كده بدافع حبها لابنها».
كما علقت أم زينب: «ليه الأفورة دي وليه ميبقاش من باب الحب مش شايفة أي ذكورية في الموضوع، اللي هيزرع حب هيلاقي حب دي الفكرة».
اقرأ أيضًا..
