ألفاظ الطفلة بسنت تثير غضب السوشيال ميديا.. والتعليقات: «مفيش تربية»

شن رواد مواقع التواصل الاجتماعي هجومًا كبيرًا على الطفلة بسنت، التي حصلت على شهرة كبيرة بالسوشيال ميديا؛ بسبب ردودها وألفاظها التي لا تتناسب مع عمرها كطفلة.

وجاء ذلك بعد ظهور بسنت مع الإعلامية ريهام سعيد، في برنامجها الجديد على قناة "الشمس"؛ حيث انتشر مقطع فيديو من البرنامج على موقع التواصل الاجتماعي فيسبوك، وكانت الطفلة تسخر من ريهام عندما نطقت إحدى الكلمات بالفرنسية.

وقالت بسنت: "اسكتي إنتي والنبي يا اختي إنتي طالعة من حتة غريبة أوي الصراحة.. إحنا مصريين يا حبيبتي أنا بقولك أهو عشان تكوني عارفة.. ماشي يا حبيبتي"، وهو ما جعل رواد السوشيال ميديا يعلقون أنها لم يتم تربيتها بشكل سليم.

قالت رانيا: «هي كبيره بس عندها نقص في النمو ونقص في التربية»، كما علقت أم إياد: «لا يمكن تكون طفلة، حساها من الأقزام».

وعلقت صفا: «هو أنا حاسيت بالاستفزاز ليه هي البنت دي صغيرة فعلا، دا من يوم ما طلعت وهي على حالها مكبرتش دي قزمة على فكرة مش طفله لأن فاهمة اللي الأطفال ميعرفوش يتكلموا فيه دا بتحط مخمرية ومدام ريهام متعرفش يعني إيه مخمرية، ده مرض في كبده وكبد اللي جابه على رأي طنط اللي كانت بتقول».

وقالت أم مريم: «دي مش طفلة دي ولية مسخوطة حرام عليهم ضيعو طفولتها وبراءتها عشان الفلوس».

كما علقت ايمان: «يخربيت دمك يابسنت بعيدا عن إنها طفلة ماشي، بس أسلوبها وحش وجريئة».

وقالت سارة: «موهبة إيه دي بس اللي بيقول عليها موهبة، فين الطفولة، في ذمه الله بجد».

ومن جانبها علقت أمينة: «هي الناس اللي بتقول عسولة ومبهورين بيها دول لو عندهم أطفال يتمنوا يشوفوهم نسوان كدا ومعندهومش براءة ؟؟!!».