بملعقة واحدة.. 6 فوائد للعسل تحدث في جسمك لن تصدقيها.. ما هي؟
ميمي جمال تروي تجربة طلاقها من حسن مصطفى: "بنت صغيرة لعبت عليه"
الأحد 11/سبتمبر/2022 - 04:01 م
ميمي جمال
بسمة خالد
كشفت الفنانة المصرية ميمي جمال عن جزء كبير من ذكرياتها مع زوجها الفنان الراحل حسن مصطفى، وتحدثت عن أسباب طلاقها منه وكيف عاد الثنائي سوياً.
سبب الطلاق
وقالت ميمي في مقابلة تلفزيونية: "الطلاق كان بسبب بنت عندها 18 سنة حاولت تلعب عليه وقت ما كانت بتعمل استعراضات مسرحية من مسرحيات حسن، وكانت تدخل أوضته وقت البروفات، وتتكلم معاه وتوريله إنها كاتبة حروف اسمه على ضوافرها بالمانيكير".
وتابعت: "حسن وقتها كان كبير في السن، والحركات دي كانت غريبة عليه، عشان كده كان حابب اللي هي بتعمله، ووصلها بالعربية لبيتها مرة أو مرتين، وكل ده من غير ما أعرف حاجة".
وأضافت: "أنا في الفترة دي كنت مشغولة وبصوّر في القاهرة، وهو كان في إسكندرية عشان مسرحيته ومعاه البنات عشان يصيفوا وهما كمان كانوا ميعرفوش حاجة، لكن ربنا أراد إني أعرف عن طريق البنت اللي كانت بتقطع تذاكر المسرح".
صممت على الطلاق
وأردفت: "البنت طلبت مني أسيب أي شغل في القاهرة وأنزل إسكندرية، لأنها شافت مناظر معجبتهاش وحاجات مش كويسة من حسن، فقررت أروح إسكندرية".
واستطردت: "بعد ما فهمت الموضوع قررت أن أواجهه، وأول ما شوفته سألته وصلت الهانم؟ وهو اتصدم وقتها وحاول يلم الموضوع عشان أسكت، لكن أنا صممت على الطلاق منه".
وواصلت: "تنازلت والحياة استمرت، بدأ الحب بينا ينقص، والشغل يبعدنا عن بعض بشكل كبير، واهتمامنا ببعض وبالبيت قل عن الأول، وده زود المشاكل اللي بينا فقررنا إننا نتطلق".
اقرأ
أيضًا..
بعد ذلك، شعرت ميمي جمال بالندم وطلبت من المؤلف والمخرج سمير خفاجي، محاولة إصلاح الأمور بينهما، وهو ما حدث بالفعل واستكملا حياتهما سويًا.
واعترفت ميمي جمال: "المشكلة كانت من عندي مش من عند حسن، وكان هناك سوء تفاهم".
