مع اقتراب الامتحانات | 9 نصائح لتحسين قدرة طفلك على التركيز
عفاف شعيب: "المساكنة" أجندة لمصلحة الغرب.. ولا أحب كلام رضوى الشربيني
الأربعاء 07/سبتمبر/2022 - 02:01 م
عفاف شعيب
بسمة خالد
حلت الفنانة عفاف شعيب ضيفة في برنامج "البخت"، الذي تقدمه الإعلامية خلود عزمي عبر قناة الشمس، وتحدثت عن رأيها في المساكنة بين الرجل والمرأة وموقفها من المحتوى الذي تقدمه الإعلامية رضوى الشربيني.
رأيها في المساكنة بدون زواج
وتحدثت عفاف عن رأيها في المساكنة بين الرجل والمرأة قائلة: "الله يسامحكم، دي دعوة لخراب البيوت وكلام فاضي وعيب، إحنا ماشيين على الشريعة الإسلامية والسنة".
وتابعت: " اللي بيتكلموا عن الموضوع دارسين إيه؟ هل فهمتوا دينكم الأول، وربنا سبحانه وتعالى طلب إيه من المرأة والرجل، المرأة لها حقوق والرجل له حقوق".
وأضافت: "أنا خدمت أمي الله يرحمها في أمريكا 3 سنين، وكنت أنظف البيت وأغسل وكل حاجة، وماشية بتسابيح ربنا".
كما أوضحت رأيها في هذه الدعوات قائلة: "دي أجندة يتم تنفيذها لمصلحة الغرب، والمشكلة إن البرامج الدينية عندنا انقرضت، وأصبح لدينا أزمة أخلاق ودين".
اقرأ
أيضًا..
رأيها في رضوي الشربيني
كما عبرت عن رأيها في الإعلامية رضوي الشربيني قائلة: "مبحبش كلامها، بتقوم الست على الراجل وتقوم الراجل على الست، في خراب بيوت، البيت بيتخرب بسبب الكلام اللي مالوش لازمة".
وتابعت: "مش كل واحدة مرت بأزمة في حياتها هتنفذ كل دا على بقية الناس، إنتي شفتي مشكلة يمكن ربنا خصك بيها علشان تصبري، يمكن ربنا عمل كده علشان تقربي منه مش إنك تفرقي بين الزوج والزوجة".
وأكملت: "هي جميلة وبيعجبني وشها وأناقتها، لكن كلامها مبيعجبنيش وكل واحد حر، وأنصحها وأقولها اقري كتاب ربنا اقري القرآن الكريم وتعمقي فيه واقري أحاديث الرسول وادرسي فقه المرأة".
كما أوضحت أن كلامها هذا لا يعبر عن دفاعها عن الرجل، فقالت: "في ناس هتقول إني مع الرجل لكن أنا مع حق ربنا اللي اتعلمناه من أهالينا، أنا شفت أمي بتتعامل مع والدي إزاي وشفت خالتي بتتعامل إزاي مع زوجها، الود والرحمة، اعتبر كل اللي بيحصل بدع".
