انتشرت الفترة الماضية تصريحات جريئة للعديد من نجوم ونجمات الفن، حول إمكانية المساكنة بين الرجل والمرأة بدون زواج، كان آخرهم الفنان محمد عطية، لتخرج الإعلامية دعاء فاروق عن صمتها وتعبر عن غضبها واستيائها من آراء الفنانين حول هذا الأمر.

ونشرت دعاء فاروق مقطع فيديو لها عبر حسابها الشخصي على موقع التواصل الاجتماعي "إنستجرام"، وتحدثت فيه عن رأيها في موضوع المساكنة، حيث قالت: "اعملوا مساكنة، وعيشوا مع بعض من غير زواج، ولا تدخَّلوا قانون ولا مجتمع ولا أهل ولا أصحاب ولا دين".

وتابعت كلامها: "عادي لما يسكر ويقوم خبطك على دماغك، إيه اللي دخَّل القانون، وممكن يسرقك، إيه إللي يدخَّل القانون والحاجات البلدي دي، بس هتحملي منه، إيه اللي هيدخَّل القانون، بردو لما يسيبك، أصله هيسيبك ويمشي، ويقولك: وأنا مالي، شيلتك شيليها لوحدك".

وأضافت: "يا تهربي، يا تنزِّلي الطفل، وتعيشي النقاهة لوحدك، إيه اللي يدخَّل المجتمع والحاجات دي، يا تروحوا ترموا الطفل في الزبالة، زي ما في ناس بتعمل كده، إيه علاقة الدين بالموضوع، إنتِ مسلمة؟، بتصلي وتصومي؟، ما تصلِّيش، بطلي صلاة، بتصومي في رمضان؟ بطلي تصومي".

لم تكن الإعلامية دعاء فاروق هي أول من هاجمت فكرة المساكنة، بل تحدثت أيضًا المذيعة ياسمين عز عن ذات الموضوع في حلقة من حلقات برنامجها "كلام الناس"، حيث قالت: "الأيام دي الواحد بيسمع تصريحات مش بيبقى عارف يعلق عليها، عايزين توصلوا الناس لـ ايه؟ يعني إيه نعيش مع بعض من غير جواز وبعدين نشوف إحنا مناسبين ولا لا، فين الدين اللي بيقول كده؟ إزاي شخصية المفروض قدوة تقول كلام خطير زي ده".