ديانا هشام: تعرضت لحرق بسبب ماء مغلي (صورة)

أعلنت الفنانة ديانا هشام، إصابتها بحرق في قدمها، من خلال خاصية "الاستوري" عبر موقع التواصل الاجتماعي وتبادل الصور والفيديوهات "انستجرام".

وكتبت ديانا هشام: " الحمد لله، وقع علي رجلي مياه مغلية".

وكانت قد كشفت ديانا هشام عن مرورها بأزمة صحبة الفترة الماضية، تسببت في زيادة وزنها؛ إذ قالت خلال لقائها في برنامج "البوكس": "وزني زاد في الفترة الأخيرة بسبب استخدامي بعض الأدوية، ومررت بحالة من التعب والإرهاق".

وتابعت: "حالتي النفسية تأثرت بزيادة وزني، وتعرضت للكثير من التنمر، وكانت النتيجة أزمة ثقة بالنفس وهذا سبب قيامي بحذف الكثير من صوري".

وكانت ديانا هشام قد أثارت الجدل القترة الماضية بعد تداول صورة لها مع الراحلة نيرة أشرف، فخرجت وعلّقت على تلك الصورة قائلة: "أنا صاحية على تليفونات كتير بيسألوني عن حكاية الصورة دي، أنا عايزة أعرف إيه اللغز يعني؟ إيه اللغز اللي يخليكم تحطوا دايرة حمراء على وشي؟ مش قادرة أفهم يعني بتدوروا على إيه؟".

وأضافت: "ده مكان كنت أنا مدعوة فيه، مناسبة زي أي مناسبة معزومين فيها، وده مش معناه إن أي حد معايا في الصورة يبقى صاحبي أو أنتيمي أو من عيلتي، صورة جماعية في مناسبة عامة، اتصورنا صورة في المناسبة لا بينا لقاءات تانية ولا حاجة تانية بتجمعنا ولا أعرفها معرفة شخصية".

وتابعت كلامها: "هي كانت صاحبة ناس صحابنا وكانت معزومة في المناسبة دي، وصورة من 2020، بعد مقتلها إيه! هو أي بروباجندا! يا جماعة عيب، دعوا الخلق للخالق، ربنا يرحمها، وهي دي المرة الوحيدة اللي أنا شوفت فيها نيرة الله يرحمها، وأنا مش هنكر معرفتها، أنا هنكر معرفتها ليه؟ دي الصدفة الوحيدة اللي جمعتنا مع بعض".