رامي جمال يفي بوعده تجاه المطرب النقاش: «أنا بطمن الناس كلها أحمد هيعمل أغنيتين»|فيديو

أوفَى الفنان رامي جمال بوعده تجاه الشاب أحمد سالم الشهير إعلاميًا بـ"المطرب النقاش" واستضافه في فيديو جمعهما سويًا داخل أستوديو.

ونشر رامي جمال هذا الفيديو عبر حسابه على موقع التواصل الاجتماعي وتبادل الصور والفيديوهات "الانستاجرام" وتحدث رامى جمال خلال الفيديو قائلاً: "منورني النهاردة الفنان أحمد سالم، عشان الناس اللى فاكرة أننا بنضيع وقت فأحب أقول أن مفيش وقت هايضيع".

وتابع رامي جمال كلامه: "انا لسه راجع من السعودية امبارح وبأمر الله 3 أو 4 أيام هنسمع أغانى من أهم ناس في مصر عشان نختار الأغنيتين، الأولى بتاعتى أنا وأحمد والتانية بتاعته هو لوحده، وبأمر الله الوعد اللى وعدته ميمنعنيش عنه غير إن عمرى يخلص وممكن أوصى المكتب لو عمرى خلص يكملوا هما".

وأضاف رامى جمال "أنا بطمن الناس كلها بأمر الله أحمد هيعمل الأغنيتين وتستمتعوا بصوته، واللى عاوزين أحمد في أى حاجة هو مضى مع شركة إدارة أعمال وأى حد هيتواصل معاه هيديله رقم الشركة دى، وأنا بالنسبة ليا الأغنيتين اللى بعملهم له أنا مش عاوز أى حاجة منه ولا عمرى هامضيه على عقود احتكار، لأن انا اللى بعمله عشان أحمد ربنا كاتبله قبول وانا افرح انى أكون بنفذ التساهيل اللى بتحصل له".

المطرب النقاش

وكان خلال الأيام الماضية تصدر مقطع فيديو لعامل مصري "نقاش" تريند منصات التواصل ومحركات بحث جوجل، بعدما ظهر وهو يغني أغنية "بكرة يا حبيبي" أثناء عمله في أحد الشقق، ما جعل الكثيرون يتهافتون للحديث عن هذا الشاب وانتشر الفيديو انتشار كبير جداً بين رواد التواصل الاجتماعي حتى وصل للفنانين الذين حرصوا علي دعمه منهم علاء مبارك والفنان رامي جمال الذي وعد بإنتاج أغاني له".

اقرأ أيضًا..

رامي جمال يتحدث عن دعمه لـ«المطرب النقاش»: كلنا أسباب.. فيديو