زوجة على فيس بوك: "زهقت من الروتين مع جوزي".. شاهدي التعليقات!

وقالت المرأة في منشورها: «لو سمحتوا يا بنات هتعملوا إيه لو جوزك بيروح الشغل الصبح ويرجع بعد الضهر كل همه الأكل والنوم والتلفزيون، عايزين نخرج يقول بعدين، عايزة أروح لماما زيارة يقول بعدين، مع العلم يعتبر 8 أشهر جواز ولسة مفيش حمل، الروتين اليومي وحش جدًا لما زهقت، قولولي أعمل إيه؟».

وكانت التعليقات كالآتي: 

قالت مي: «بقالي سنة متجوزة بس بعمل كل حاجة لوحدي، بروح أزور أهلي لوحدي وبخرج لوحدي عادي، هو كل واحد لي طبع، جوزي مثلا مش بيحب يجتمع بحد، وبيحب ييجي من الشغل ينام، آه بزهق طبعًا بس ده طبعه هنعمل إيه؟».

وقالت سهيلة: «طب ما تروحي لمامتك من غيره أصلا مش هتاخدوا راحتكم في وجوده، اخرجي مع صحابك لو تعرفي يعني، متعتمديش عليه في حاجة».

وقالت دنيا: «يروح يلاقيكي لابسة ومجهزة الغداء، قوليله كل بلبسك أنا عايزة أنزل، أكل يبقى حاجة حلوة، لو قال لا إقلبي وشك».

كما علقت أسماء: «قوليله أنا رايحة عند أهلى مش لازم ييجى يوصلك وباتى يومين تلاتة هتلاقيه بيلزق فيكى بعدها».