سيدة تشكو: «مرات ابني رفضت تخدم بنتي وضربتها».. وتعليقات نارية

كتبت إحدى الحموات مشكلتها على موقع التواصل الاجتماعي "فيسبوك"، حيث تشكو من رفض زوجة ابنها لخدمة ابنتها وهو ما دفعها لضربها، ولكنها واجهت هجومًا شديدًا من النساء الأخريات في التعليقات.

وقالت الحماة في منشورها: «مرات ابني رفضت تخدم بنتي اللي لسه والدة وبتقولها أنا مش خدامة أهلك روحت قولتلها لا من حقك تخدميها وتقعدي تحت رجليها كمان راحت ردت عليا لما تتشلوا هبقى اخدمكم رحت ضربتها بالقلم راحت تفت في وشي وابني مغلطني هو أنا غلطانة تشتم ست قد أمها».

وكانت التعليقات كالآتي..

 

قالت هبة في تعليق وهي حماة أيضاً: «لا طبعا أنتي مش غلطانه تخدمك وتخدم بنتك طبعا وتغسلكوا رجليكم كمان الله مش اشترتوها من سوق العبيد اقسم بالله انتي واللي زيك سبب خراب بيوت ولادهم وعلى فكره أنا حما ربي يعلم بتعامل إزاي».

بينما علقت منة: «تستاهلي ياطنط بصراحة، انتي ست قليلة الأدب».

وقالت غدير: «مو مجبورة تخدمها أبدا يا بتطلع عن طيب خاطر منها وبتساعدها مو تخدمها يا براحتها بنات العالم والناس مو خدامات لحد».

كما علقت آيات: «لو الكبير احترم سنه مكنش الصغير قل منه مش معني كده إني موافقة ع رد فعل مرات ابنك طبعا بس هيا مش فرض عليها انها تخدمها لو خدمتها تؤجر عليه يبقي ده من ذوقها».

وقالت نجوى: «نوعيتك يا حاجة سبب خراب البيوت ربنا يهديكوا ويصلح حالكوا يا رب».

بينما علقت هالة: «المفروض يكون فيه مودة دى تشيل دى ف تعبها وكذلك التانية تردهالها وده بيحصل كتير وطبيعى عادى مش فتونة وأنا مش خدامة والكلام الأهبل ده والناس تعيش لكن بشوف حاجات غريبة أووى ف إيه».