أثارت زوجة شريف منير لورا عماد، الجدل في الساعات القليلة الماضية؛ بسبب أزمتها مع ابنتيها فريدة وكاميليا، بعدما وجهت لهما اتهامات قاسية. 

بدأت القصة عندما نشرت لورا عماد، مقطع فيديو ظهر خلاله الفنان شريف منير وبناته أثناء تناولهم العشاء، وذلك عبر حسابها الشخصي بموقع تبادل الصور والفيديوهات "انستجرام"، وعلقت قائلة: "رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بالدكاترة بأصحابكم بأمهات أصحابكم يشهدوا بإن أنا كنت أم عاملة إزاي!".

وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه مالوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".

ردت فريدة شريف منير على الرسالة القاسية التي وجهتها والدتها لورا عماد لها ولشقيقتها كاميليا عبر حسابها بموقع "إنستجرام"، وعلّقت قائلة: "ليه بتعملي كده؟ ليه بتخلي شكلنا كده قدام الناس؟".

وردت والدتها عليها قائلة: "إنتوا بتموتوني كل يوم.. وإنتي عارفة كده كويس.. ربنا يهديكي.. صحيح الزّن على الودان أمر من السحر".

فيما علقت كاميليا على منشور والدتها بموقع "انستجرام" قائلة: "عمرنا ما بعدنا عنك، وغير كده أنا كنت لسة قاعدة معاكي امبارح ومكنتش عارفة إنك بتفكري في كده".

وردت عليها والدتها قائلة: "أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم".

ومن جانبه صرح شريف منير لإحدى الصحف المصرية عن الأمر، قائلاً: "دي أمور عائلية.. وأنا مش هتكلم فيها".

وفي سياق آخر عادت الفنانة لورا عماد، للتمثيل مرة أخرى عن طريق المشاركة في حكاية "وانسى روحي وياك" من مسلسل "نصيبي وقسمتك 4"، وذلك عقب اعتزالها الفن 20 عامًا، بعد مشاركتها في فيلم "لو كان ده حلم" عام 2001 قبل زواجها من الفنان شريف منير.