ميار الببلاوي لشيرين عبدالوهاب عن وزنها الزائد: "بناتك كده هيتعقدوا"

وجهت الإعلامية ميار الببلاوي رسالة جريئة للفنانة شيرين عبدالوهاب بعد ظهورها على أحد المسارح بوزن زائد؛ لتكريم طلاب إحدى الجامعات:

فقالت ميار الببلاوي عبر حسابها على الفيسبوك: "شوفت النجمة شيرين عبد الوهاب وهي بتتكرم من كام يوم، شوفت الفستان اللي هي لابساه الوزن اللي وصلتله.. يا شيرين فوقي لنفسك ولأولادك الدنيا مش بتقف على أي راجل في العالم".

وتابعت ميار الببلاوي كلامها قائلة: "اسأليني أنا.. كلنا اتصدمنا واتطلقنا وفشلنا وعندنا مسئولية وحبينا واتسابنا. انتي مش ملك نفسك وملك الجمهور، وانتي مثل أعلى لبناتك".

وأضافت: "مينفعش بنتك تشوفك كده منهارة بالطريقة دي.. عايزة تبعتيله رسالة إنك اتدمرتي؟ مينفعش تقوليله كده أو انتي من بعده زهدتي من الدنيا، بس أنا بحبك يا شيرين أوي وكان عندي ولد واتعرضت لنفس الموقف ومعايا ابني واتطلقت وكنت متعلقة بيه.. ولكن الدنيا مشيت واتجوزت بعدها أكتر من مرة والدنيا مفرقتش معايا، عارفة إنك كان حبك جامد أوي، اقفي واثبتي وجودك وظبطي وزنك.. اتخضيت من وزنك".

واختتمت: "بناتك كده هيتعقدوا.. هيبقوا حاجة من الاتنين لما يرتبطوا، يا إما هيبقوا عبيد تحت رجلين اللي هيرتبطوا بيه، ياما مش في أي علاقة، إحنا مستنيينك شيرين الجدعة المصرية الأصلية اللي بتاخد الخبطة وتقف تاني بـ 100 راجل، معرفش ليه بقولك كده يمكن عشان حسيت بوجعك أكتر من مرة.. عايزة أقولك بخبرتي دي الدنيا مبتقفش على حد يا حبيبتي وبصتك في وش بناتك بالدنيا".

وتستعد شيرين عبد الوهاب لطرح أغنية جديدة بعنوان المترو، وذلك بالتعاون مع كلا من الشاعر أمير طعيمة، والملحن عمرو مصطفى، ومن المقرر طرحها خلال الأيام القليلة المقبلة.

وروج الشاعر أمير طعيمة للأغنية من خلال حسابه الرسمي بموقع تبادل الصور والفيديوهات “انستجرام” وذلك بنشر البوستر الرسمي للأغنية والتعليق عليها: "قريبًا. شيرين...عمرو مصطفى. نابلسي".