حالة الطقس اليوم الجمعة 22-11-2024
ضحية جديدة للحب.. السوشيال ميديا يشتعل غضبًا ضد قاتل فتاة الشرقية
الثلاثاء 09/أغسطس/2022 - 09:14 م
ساندي جرجس
أثارت الجريمة البشعة التي شهدتها مدينة الزقازيق اليوم، غضبًا شديدًا بين رواد مواقع التواصل الاجتماعي، حيث أقدم شاب على قتل فتاة تدعى سلمى، بـ17 طعنة نافذة في مختلف أنحاء جسدها أمام المارة، وذلك على غرار واقعة قتل نيرة أشرف، طالبة المنصورة.
وألقى الكثيرون باللوم على عدم تنفيذ حكم الإعدام في قاتل نيرة أشرف، فهذا ما أتاح الفرصة لشاب آخر بالشرقية أن يكرر الفعل ذاته.
وكانت التعليقات كالآتي:
قالت زينة: «أنا مش فاهمة جرى ايه للشباب الرفض مش نهاية الدنيا فيها إيه لو كان سابها في حالها وشاف حياته بدل ما يضيع نفسه هو وغيره وغيره، الرفض عمره ما يقلل من كرامة الإنسان بالعكس دة بيديله فرص تانية كتير أنه يشوف بدائل أفضل له في المستقبل.. واللي بيحب حد بيتمنى له السعادة حتى لو محصلش نصيب الله يرحمها ويغفر لها ويرحم نيرة وأمواتنا جميعاً يا رب».
وعلقت سولي: «حسبي الله ونعم الوكيل، ربنا ينتقم منه، ده إيه القرف اللى بقينا عايشين فيه ده، سلملي بقى على متعاطفين محمد عادل».
بينما علقت داليا: «ما هو لو كان شاف اللي قبله اتعدم مكنش هيعمل كده، لكن شاف إن أكتر الناس بتدافع عنه على إنه مظلوم فهيخاف من إيه بقى، حسبى الله ونعم الوكيل».
وقالت عبير: «الله ينتقم منه دنيا وآخرة حسبنا الله ونعم الوكيل الله يرحمها ويغفر لها ويسكنها فسيح جناته.. ويصبر ذويها يارب العالمين».
وعلقت هبة: «يلا ولسه ابقوا ادعوا ودافعوا عن محمد عادل عشان صاحب الفكرة له السبق ربنا يرحمها ويرحمنا».
وقالت نور: «كل اللي يحب واحده ويفركشوا يبعتها الآخره يعني؟ حسبي الله ونعم الوكيل».
كما علقت وفاء: «طبعا لازم يحصل كده وأكتر كمان طالما الحكومة والقضاء مخدوش رد رادع لمقتل نيرة، وربنا يستر على إللي جاي».
اقرأ أيضًا..
