كتبت زوجة مشكلتها على موقع التواصل الاجتماعي "فيس بوك"؛ حيث تروي ما فعلته مع زوجها من خطأ كبير في حقه، وتريد أن تحصل على النصيحة من الآخرين، ولكنها واجهت هجومًا شديدًا من رواد الفيس بوك.

قالت المرأة في منشورها: «جوزي مبيخلفش من سبع سنوات، والعيب منه ولفينا على دكاترة وطلع معنديش مشكلة ومفيش فايدة وكمان مكنش بيقرب مني غير كل فين وفين، اتعرفت على جاري وكان بيجيلي كل يوم بعد ما جوزي بينزل الشغل، لحد ما حملت منه، ولما قلت له سبني وسافر معرفش فين، وجوزي كان فرحان بالحمل، وشاف إنه معجزة من ربنا، وخلفت بنت زي القمر عندها سنة دلوقتي".

واستطردت الزوجة في منشورها: "كل ما ببص لها بفتكر خيانتي للراجل اللي عمره ما حرمني من حاجة، بس شيطاني كان أقوى مني، بعيط كل يوم، وبدعي ربنا يسترني ويرحمني.. حاولت أنتحر ولكن كل مرة أفشل". 

واختتمت الزوجة منشورها: "قررت أصارح جوزي، بس خايفة أوي منه، يموت فيها أو يفضحني، أنا تبت والله، وسبنا العمارة، وروحت بلد جديدة، وجوزي اتنقل من شغله، بس البنت دايمًا بتفكرني، محتاجة نصيحة لوجه الله».

كتب حسام: «البنت ليست ابنة الجار شرعًا لأن ماء الزنا لا يثبت به نسب.. البنت محرمة شرعًا على الزوج، سواء بكونها ابنته طبقًا للقاعدة الشرعية: "الولد للفراش"، أو لأنها ربيبته، أي ابنة زوجته.. الله غفور رحيم وهو الستار على عبيده؛ لذا يجب على الزوجة ستر الأمر والتوبة النصوح إلى الله وأمرها أولا وأخيرا متروك إلى الله، إن شاء عفا وإن شاء عاقب».

بينما علقت دنيا: «إنتي طبعا أخطاتي، بس توبتي، وربنا ستر عليكي وأتم ستره عليكي، طالما اتغيرتي متقوليش حاجة، ربنا أعطاكي فرصة جديدة بحياة جديدة، استغفري كتير، اعملي خير أكتر من اللي عليكي تجاه زوجك، انسي الخطأ، وافتكري العظة، ذنبك عظيم، بس ربنا بيقبل التوبة، المهم مترجعيش فيها، وبرضه اسألي دار الإفتاء، هم أعلم وأدق بالقرار الصح، ربنا يقدر لك الخير».

وقالت مايسة في تعليق آخر: «ربنا ستر عليكي، عاوزه تفضحي نفسك، اللي حصل حصل، استغفري ربنا، يمكن اللي حصل علشان إحساس الأبوة جوزك ما يتحرم منه، كلامك بالعكس هيكون نهاية كل شيء استري على نفسك لأن المولى سترك».

اقرأ أيضًا..

مشكلة زوجة على سوشيال ميديا: «زوجي رومانسي بزيادة اعمل ايه» والتعليقات: «ده بطر على النعمة»

بينما علق ماهر: «من منكم بلا خطيئة فليرمها أولا بحجر».

وقالت بسمة: «الانتحار خطيئة أخرى، لن تغفر لك ذنبك ولكن تزيده، عليكِ بالصيام والقيام والاستغفار، ولا تبلغى زوجك بشيء، عليكِ بالذهاب لدار الإفتاء وهي الجهة المختصة في إذا كان على زوجك معرفة خطيئتك أم لا.. وأسأل الله تعالى أن يتقبل توبتك ويغفر لك».

وعلقت نجلاء: «مصير البنت إيه لما تقولي، ومصير المسكين اللي شايفها معجزة وهبة ربنا له، وانتي والفضيحة، الكلام مش هيصلح، بالعكس هيدمر كذا فرد.. الأفضل تعيشي بذنبك بينك وبين نفسك، لعله يكون سبب تشيلي جوزك فوق راسك وتقربي من ربك اللي سترك وتستغفري له ليل نهار، بلاش تحطمي كذا حد بذنبك، واسالي في المشيخة كذا شيخ، وخدي الأيسر والأفضل للجميع مش لكي».

اقرأ أيضًا..

شكوى امرأة: «جوزي خطب واحدة تانية مطلقة».. والتعليقات: « حرب على راجل ميستاهلش»

وقال عبد الله: «الناس الكيوت اللي كاتبة دي غلطت! دي زنا مش مجرد غلطة، دي واحدة مصانتش جوزها ولا تعرف حاجة عن الدين وإلا مكانتش عملت كدة.. ربنا يعاملك بعدله وينور بصيرة جوزك عشان ميفضلش مخدوع من واحدة زيك، وإن شاء الله ربنا شايل له الأحسن منك».