وجهت إحدى الفتيات عبر موقع التواصل الاجتماعي "فيسبوك" سؤالاً تريد معرفة كيفية التأكد من أنها تحب شخصًا ما وليس مجرد إعجاب أو صداقة؛ حيث كتبت في منشور "إزاي أتأكد إني بحبه؟".

 

لتجيب الفتيات..

قالت إحدى الفتيات: "لما يكون اسمه أول حاجة بتتذكر في دعائك ولما تفتحي صورة وتحسي إن مفيش في جمال ملامحه وأول ما يبعتلك رسالة عينيكي تلمع وقلبك يرقص من الفرحة، ولما تسمعي صوته تتطمني ولما تشوفي ضحكته تحسي إن الدنيا حلوه ولما تفتحي الشات تقرئيه كل شوية وتضحكي، ولما يبقى مخنوق أو زعلان تحسى إنك عايزه تشيلي كل همومه وتاخديها بداله عشان يبقى كويس، ولما تحسى إن يومك ناقص عشان مكلمكيش ولما تزعلوا متتردديش ثانية إنك تروحي تصالحيه، ولما تحسي إنك لو تطولي تجيبيله حتة من السما عشان تراضيه تجيبيله".

وردت أخرى: "لما تغيري عليه الغيرة يعني حب وش، ولما تلاقي نفسك بتفكري فيه تلقائي حتى وسط انشغالك، ولما يكون من ضمن الناس اللي بتجري عليهم عشان تشاركيه حاجة عملتيها، ولما تحبي تعرفي أي حاجة في يومه وفضولك يزيد، ولما تكوني عايزة تشوفيه دايمًا وتلاقيه وحشك مع إنك لسه شيفاه من يومين".

وتعليق آخر يقول: "لما تبقي بتديله من أكلك وانتو خارجين، لما تحسي أن كل شوية عايزة تعصبيه وتخليه يطلع عن شعوره، لما كل شويه تنكشي فيه، لما يغيب عنك شوية وتحسي إن عندك ملل وعايزة تنكشيه، لما تديله فوق دماغه".

اقرأ أيضًا..

«والدي بيحتضر وجوزي مانعني من زيارته أعمل إيه؟» والتعليقات: «أنتِ الكسبانة»

وذكرت إحداهن: "لما يوحشك وتفضلي تفتحي صوره وتشوفي ملامحه، وكأن مفيش راجل في جماله لما قلبك يتنطط من الفرحة أول ما يرن عليكي كأنها أول مكالمة بينكُم، لو ييجي في بالك كل دقيقة في اليوم وتبقي نفسك يكلمك من أول ما تصحي لحد ما تنامي، لما يبعتلك فويس بصوت ضحكته تفضلي تسمعيها طول اليوم كأنك لسة سمعاها من الأول، لما يكون قافل وتفضلي تقري في شات بتاعكُم بكل حب وشغف إن يفتح ويبعتلك مسدچ لما تفضلي تدعيله، لما اليوم اللي ميكلمكيش تحسي إن في حاجه نقصاكي". 

وذكرت أخرى: "لما يكون موجود جمبك مبتحسيش ولا بتشوفي أي حد غيره كأن الدنيا مفيهاش غيركو انتو الاتنين، كمان لما تقلقي عليه وتحسي في غيابه إن كل حاجة ناقصة، لما تشوفي ضحكته وتحسي إنك مالكة الدنيا وما عليها وتكرهي إنه يبقى بس حاسس مجرد إحساس بالزعل وتبقي عايزة تعملي أي حاجة عشان تفرحيه".

هذه أبرز الأشياء التي تدل على صدق المشاعر، إذا توافرت فيكِ فاعلمي أنك تحبينه.

اقرأ أيضًا..

سيدة في بيت عيلة: سلفتي دعت عليا بعد ما نظفت شقتها.. والتعليقات: أنتي ونيتك