حلا شيحة تكشف حقيقة طلاقها.. وتعلق على حجابها

نشرت حلا شيحة قبل عدة أيام منشوراً برفقة أولادها أثار الجدل بعض الشيء وأدخل الشكوك لمعجبيها بأنها ربما تلمح إلى انفصالها عن زوجها فقالت: "لحظات في حياتنا بتعدي مع ناس بنقابلهم مرة في العمر ولحظات مع أولادنا بنحس بيها بفرحة وحب وأمل ولحظات مع نفسنا بنتأمل فيها حياتنا كل أيامنا لحظات.. علشان كدة مفيش حاجة تستاهل الزعل والتفكير الزيادة وأجمل حاجة أن الواحد لما يتعب أو يحس إنه تايه أو متلخبط لازم يبقى متأكد إن مشاعره بتقوله حاجات محتاج يعرفها أو يفهمها او يفهم نفسه أكتر، ونتعلم ومش عيب نقول غلطنا ومش عيب نصلح أخطاءنا بس أهم حاجة منكملش ونعاند نفسنا ونعاقب نفسنا ونحكم على نفسنا بالفشل، الفشل أننا نسيب نفسنا جوا نفس المشاكل ونستسلم."

وخرجت حلا شيحة بعد ذلك عن صمتها لتؤكد أن علاقتها بزوجها جيدة وأنه بعيد عن كل ما يقال في صفحات السوشيال ميديا، فنشرت صورة وعلقت عليها قائلة:  "لكل المتابعين والمحبين على صفحتي وفي الوطن العربي حابة أقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان عام ولم أقصد به أحد أبدًا".

وتابعت: "معز بعيد عن الكلام ده تماما، بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدًا".

وأضافت: "والله في مشاكل أكبر بكتير وحاجات أهم بكتير ممكن نتكلم فيها وأنا على صفحتي بحب اشارك جمهوري ساعات بمعاني بحسها وبحسهم زيي وبحب اتواصل معاهم وأبقى موجودة معاهم مش أكتر من كده.. بالنسبة لحجابي أنا قلت بحاول زيي زي بنات كتير وأكيد مش أحسن حاجة بس أنا كده دلوقتي والحمد لله".

واختتمت: "أنا مش شيخة أنا إنسانة عادية جدا ليا حسناتي وليا سيئاتي والبشر كلهم كده فبلاش حد يزايد على حد/ وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض، إحنا بشر مش ملايكة، يلا أنا مسامحة الكل معلش بشر بردو".

وكانت الفنانة حلا شيحا قد تزوجت العام الماضي واحتفلت بزفافها للمنتج معز مسعود، وذلك داخل أحد الفنادق النيلية، واقتصر الحضور على أسرتي العروسين ولم يتم توجيه أي دعوات لأصدقائهما، تماشيا مع الإجراءات الاحترازية التي تفرضها جائحة كورونا من منع التجمعات في المناسبات الاجتماعية.