اعتذر الفريق الغنائي "كاريوكي" عبر موقعه عبر موقع التواصل الاجتماعي "إنستجرام" عن سوء تنظيم حفلة اسكندرية بعد الانتقادات اللاذعة التي تعرضوا لها بسبب سوء التنظيم؛ حيث نشر بيان يقول: "جمهورنا العزيز. نحب نشكركم جميعًا على الحضور التاريخي في حفلة إسكندرية، وعلى طاقتكم اللي كانت بتهز المكان ولكن، وصلنا أيضًا أنه كان في سوء تنظيم".

وتابع: "إحنا بنأكد إن سلامة جمهورنا أولوية ولا نقبل أي أعذار عن أي سوء يمس جمهورنا، وبنعتذر عن أي سوء تنظيم حصل من قبل المنظمين".

وأضاف البيان: "نوعدكم أننا سنعمل جاهدين على إن هذا الخطأ لن يتكرر في المستقبل. شكرا جمهورنا العزيز، كايروكي".

"مش كل الناس حست بموضوع التنظيم ده بس المؤكد ان فعلا ناس كتير حست بيه وشركة لازم تتحاسب بس من أول ماانتوا خرجتوا ع الستيدج الحفلة كانت تحفة جدًّا، وانبسطنا جدًّا خصوصًا إنكم غنيتوا حاجات مبتتغناش فى معظم الحفلات.. شكرا كايروكي".

وتعليق آخر يقول:

"أنا بج فان لكايروكي ومن زمان أوي بسمعهم. 

بس السيناريو ده بقي يتكرر كتير جدا.

سوء تنظيم. الصوت مش مظبوط. أمير مش ف الفورمة. 

اعتقد محتاجين تراجعوا نفسكم شويه قبل ما تخسروا فانز كتير".

"المفروض يعوضونا بحفلة تانية فري بصراحة".

وتعليق آخر يقول:

"اللي حصل ف حفلة كايروكي في إسكندريه مكنش من المعتاد من اللي بنشوفه في حفلات كايروكي فالتنظيم وإن تنظيمها كان سيئًا بطريقة مبالغة والباند ملوش ذنب في اللي حصل ومنقدرش نلومهم… اللوم كله على اللي كان ماسك التنظيم بتاع الحفلة؛ لأنه ماكنش قادر يسيطر على كمية الناس اللي كانت موجوده في الحفلة، وإنك ماتعرفش تسيطر على حفلة زي دي يثبت إنك جاهل في التنظيم… وأخيرًا كل اللي أقدر أقوله لجمهور كايروكي اللي حضر حفلة إسكندريه يستنوا بوست من الباند بنفسهم، وإن شاء الله تتعوضوا بحفلة، ويبقى تنظيمها أحسن من تنظيم النهاردة".