يبدو أن الملحن عمرو مصطفى، وقع في مأزق كبير مع جمهور الهضبة عمرو دياب، الذين شنوا عليه هجومًا عنيفًا من خلال السوشيال ميديا، ردًّا على إساءته للأخير ومحاولة الترويج لأغنيته الجديدة على حساب الهضبة كما أكد جمهوره.

وكانت قد بدأت الأزمة، بعد أقل من 5 ساعات من طرح عمرو مصطفى، أغنية جديدة له بصوته تحمل عنوان "إلا أنا"، والتي لم تجد أي صدى، ليخرج بعدها يوجه رسالة شديدة اللهجة لفنان دون ذكر اسمه، قائلا: "رسالة إلى جدو"، واتهه فيها بملاحقته بلجان إلكترونية لمحاولة التغطية على نجاح أغنيته الجديدة التي لم تحقق نسبة مشاهدة".

وتوقع البعض من متابعي عمرو مصطفى، أنه يشير بحديثه واتهاماته إلى عمرو دياب، خصوصًا أنه في الفترة الأخيرة قام بمهاجمته أكثر من مرة، وهو ما جعل الجمهور في حالة اندهاش واستياء من تصرفات مصطفى، خاصة أن عمرو دياب يتربع على قمة الغناء في الوطن العربي لأكثر من 30 عاما، وكان أيضًا سببًا في شهرة مصطفى واكتشاف موهبته، وهو ما أكده الأخير بنفسه في تصريحات قديمة له، والتي أكد فيها أنه كان ينتظر الهضبة تحت استوديو الصوت الخاص به لعرض أعماله عليه قبل شهرته.

وللأسباب السابقة، شن جمهور الهضبة هجومًا عنيفًا على عمرو مصطفى، واتهمه البعض بأنه يحاول الترويج لأغنيته على حساب الهضبة وذلك بإثارة الجدل، ومن بين هذه التعليقات ما يلي: "ياريت تركز فنفسك، لأن التلقيح ده أسلوب الصغار مش الكبار، ولأن واضح إنك بتلفت النظر لألبومك لما يدخل مقارنة مع جدو اللي لو تقصد اللي في بالي فامعتقدش إنه محتاج شهرة أو مركز في الأفعال الصبيانية دي".

وجاء تعليق آخر: "والله يا فنان إنت لو تقصد عمرودياب، بصراحه تبقى إنت بتضحك على نفسك، أو عايز تاخد ترند وخلاص"، وقال آخر: "أغنية فاشلة وصوتك وحش وبتجيب سيرة جدو عشان تتشهر يا عمو".

وأيضًا: "لو شيلنا الكام أغنية اللي عملتهم لعمرو دياب مش هنشوفك دا هو مقام واحد مزهقنا بيه طول عمرك أومال لو بتلحن كذا مقام هتعمل إيه هتضربنا بالنار وبعدين أنا هعملك unfollow، عشان إنت بتحرق كتير"، "جدو دا اللي هو عمرو دياب اللي هو أنجح مطرب في الوطن العربي لمده 30 سنه وأكتر"، "أنا معرفتش إنك عملت أغنيه جديدة غير لما لقيتك بتشتم حد دي طريقتك في الماركتنج يعني؟ إن شاء الله متكونش تقصد عمرو دياب وآه صحيح غني براحتك أكيد عادي أوحش منك بيغنوا مجتش عليك".

وكان قد كتب عمرو مصطفى في منشور له عبر فيسبوك: "رساله لجدو .. هتبعت ناس ولجان تشتم على الصفحة ولا هيهز شعرة مني فلوس بترميها في الأرض.. هتبعت ناس تقول صوته وحش ملكش دعوة أنا هغني وصوتي وحش.. هتروح تخلي ناس تسرب الأغاني هطلع أفضحك وساعتها هتكون نهايتك بجد".

 

وأضاف عمرو مصطفى: "هتجيب عيال بفلوس تعمل فيديوهات إن الأغاني وحشة هتنجح غصب عنك لأنها من القلب.. هتقول فين المشاهدات هقولك ملكش دعوة أنا بعمل الأغاني لنفسي ومش هدفع فلوس زيك يا جدو.. علشان الناس تشوفني 100000 على الفيسبوك بشرف أحسن من ملايين مزيفين يا جدو.. وفي الآخر اتقل علشان الجاي صعب".

واختتم عمرو مصطفى: "نسيت إنك بعت ناس للموزعين اللي بشتغل معاهم في الخارج علشان إنت قلودة قوي.. بس لما تنزل معاهم هفضحك عادي".