بشكل نهائي.. توقف واتساب عن العمل على تلك الهواتف
فتاة تسأل "كيف تستعدين لتصبحي أمًّا في المستقبل؟" والتعليقات: "همنع عنهم التليفون"
الأربعاء 20/يوليه/2022 - 05:00 م
بسمة خالد
نشرت إحدى الفتيات "بوست" عبر الفيسبوك تسأل فيه الفتيات عن طريقة تخططيهم لتربية الأبناء والأمومة بشكل عام فقالت:
"بمناسبة الأمومة ربنا يستر على مستقبلها مني، إيه أكتر حاجة هتبقوا مهتمين تعلموها لولادكم إن شاء الله؟ يعني اتكلموا معايا عمومًا عن نظرتكم لنفسكم كأمهات وشايفين إيه صح وإيه غلط؟ بسرعة مفيش وقت للتفسير عايزة ألحق أراجع".
ليتشارك الفتيات الآراء والنصائح حول ذلك؛ حيث قالت إحداهن: "لازم يحفظوا القرآن من صغرهم هبقى حريصة ع دا ع قد ما أقدر".
وذكرت أخرة: "مش هعودهم على الموبايل والتليفزيون من صغرهم.. مش هريح دماغي من زنهم وأديهم الموبايل أو التابلت عشان يمسكوه ويسكتوا هشوف بدايل أحسن من كده زي الرسم بجميع أنواعه مثلا، وأخلي الإلكترونيات دي ليها وقت محدد في اليوم متبقاش هي الروتين، ويا رب أقدر أعمل ده.. مش عايزاهم يبقوا زيي دلوقتي أتمنى".
وعبرت هدى، قائلة: "هبقى فخورة بيهم وهقولهم دايمًا دا أيًّا كان اللي اختاروا يعملوه طالما مش بيؤذيهم أو بيؤذوا اللي حواليهم وفي نطاق الحلال والصح، هبقى فخورة بيهم في الأماكن اللي الدنيا هتوديهم فيها حتى لو دي مكنتش رغبتهم ومش هحسسهم بالذنب وهشجعهم يعملوا اللي بيحبوه، مش هقلل من تجاربهم في أي حاجة، هسمعهم دايمًا وهتكلم لما يبقى مطلوب مني الكلام مش هفرضه عليهم".
وأيضاً تعليق يقول: "هعرفهم يعني إيه ربنا.. ويعني إيه لازم نخاف منه.. دي لو اتصلحت.. أمور كتير هتتصلح ف حياتهم وحياتي".
وذكرت أخرى: "هخليهم يعيشوا طفولتهم مفيش أفلام كبار أصلا هقضيها كرتون وبس.. إني أنزل أخرج معاهم لوحدنا سواء أنا أو أبوهم وإنهم يهتموا بتفاصيل العيلة بتاعتنا يعني إن ف عيد ميلاد حد فينا كل واحد يهتم إنه يجيب هدية، ويحوهشا من مصروفهم.. ولو حد برا مثلا وكل حاجة لازم يجيب منها للي ف البيت".
وكثيراً من الآراء الأخرى حول كيفية التربية الصحيحة والأمومة الواعية.
