قريبة الطفلة المغتصبة بعمر الـ 4 أعوام: «البنت حالتها سيئة وبتصرخ من الألم»

اُغتصبت طفلة لم تتجاوز من العمر 4 سنوات أثناء وجودها في ملاهي Xplay Park، على يد شاب سامر سامي لم يتجاوز الـ 17 عاما وأقر الدكتور مارك أن الطفلة تم اغتصابها بالكامل وهو ما وضحه تقرير الطب الشرعي.. 

وكشفت لنا سلسبيل سعد، بنت خالة الأم واقعة الحادثة وقالت: "هى بنت بنت خالتى، والبنت كانت مع مامتها عند الحمام مامتها داخلة بيها هى وأخواتها والباقين كلهم برا في المكان والمكان زحمة أصلا وفى ناس كتير البنت طلعت وقفت عند الباب والولد سحبها من غير ما مامتها تحس ولا حد ياخد باله ودخل بيها الحمام الرجالي عشان هو جنب النسائي على طول". 

وتابعت سلسبيل: "البنت طلعت لمامتها فجأة سايحة دم مامتها افتكرتها وقعت وهى بتلعب أو حاجة راحت البنت قالتلها واوا يا ماما وشاورتلها الولد عملها إيه وإزاي، كلهم كانوا بيصوتو طبعا في اللحظة دي". 

وأكدت قائلة: "والدة الطفلة ملك اتصلت بوالدها وقالتله، وفي الوقت ده صاحب المكان أخد الولد وقال هيخبيه عشان الناس كانوا نزلوا ضرب فيه جامد، وقالنا إنه يعرفه ويعرف اسمه وأنا هقول للشرطة كل حاجه". 

وأضافت سلسبيل سعد: "أول ما جت الشرطة طلع هربه من المكان، وأنكر أنه يعرفه، وقال الولد ده مش شغال عندى وأكيد جاي زيارة للمكان". 

وأكدت "سلسبيل" أنه تم القبض عليهم من قبل الشرطة وكل العمال وتم الذهاب بهم إلى القسم، وكان هناك دكتور يعرفوه جيداً اسمه مارك دكتور نساء وتوليد، تم الكشف على الطفلة بعدما استغاثت به والدة الطفلة، والذي أكد أن الطفلة تم اغتصابها بالكامل.

وأضافت سلسبيل سعد، هما راحو القسم طبعاً في لحظتها وعملوا محضر والولد اتجاب، وحالياً هما في النيابة، والبنت حالتها مع الوقت بتبقى أسوأ، وشها مصفر ومش بتتكلم كتير بتصرخ من الألم بس ومكانش ينفع نحط أى كريمات عشان الكشوفات الطبية".

وأضافت "أنها تعترض على الأشخاص التي تلوم على الأم أكيد، دى عندها ٣ عيال وكلهم أطفال يعنى راعو الموقف اللى هى فيه، ده غير إن أصلًا هى مسبتش بنتها هي في كل خطوة بتتحرك بـ ٣ عيال، وأكتر واحدة بتخاف على عيالها حرفياً.

واستكملت: "دخلت ب الـ ٣ أطفال الحمام والبنت الصغيرة طلعت وقفت عند باب الحمام ومامتها كانت بتدخل أخوها البيبى الحمام متوقعتش إن في لحظة واحدة الولد هياخدها من قدام باب حمام البنات ويدخل بيها حمام الرجال، هما مش أول مره يروحوا المكان هما كل عيد بيروحوا عشان العيال كلها تلعب براحتهم والمفروض إن المكان مكتوب أمان للأطفال وبيسيبوا الأطفال في الألعاب طول الوقت يلعبوا والمفروض اللى شغالين هما اللى بيخلوا بالهم من العيال محدش هيتوقع إن حد من اللى شغالين واللى هو ابن أخت صاحب المكان هو اللى يعمل كده، وأم الولد فاتحة حضانة واتشمعت، وأن الصفحه الشخصية لمريم سعد اتقفلت".

قال عبد العزيز آدم أخصائي علم النفس السلوكي وعضو الاتحاد العالمي بالصحة النفسية "أن هناك خلل نفسي يسمى "بيدوفيليا" وهو الانجذاب الجنسي للأطفال، وبرغم أن الشخص الطبيعي يرى ذلك مقززا وضرب من ضروب الجنون، إلا أن هذا النوع من الأشخاص المختبئين يجد المتعة في إيذاء الأطفال والتحرش بهم بل ويصل الأمر إلى اغتصاب الأطفال وقتلهم. هذا الخلل ينتج عن تراكمات لأحداث متشابهة قد تعرضوا لها في طفولتهم أو نتج عن هوس جنسي وخلل نفسي خطير. 

وتابع "آدم" هذا الخلل لا يعطي أي مبرر يذكر لتصرفاتهم المنحطة لأن تلك الفئة يمكنها تقويم نفسها ومقاومة هذا الهوس إذا كان لديهم الرغبة الحقيقية في ذلك. 

لذلك يجب أن تجتث تلك النبتة الخبيثة من جذورها قبل أن يطال شرها المجتمع بأكمله، ويجب تغليظ العقوبات القانونية المتعلقة بحوادث التحرش بالأطفال لتصل حتمًا للإعدام في حالة الاغتصاب والإيذاء الجسدي .. وتلك القوانين ستعطي الحد الآمن للمجتمع ليتم التصدى من شر هؤلاء المنحطين لأنهم جبناء بطبعهم وعند وجود الرادع الحاسم فهذا لن يعطيهم أي مجال لممارسة أفعالهم الشنيعة بالأطفال الأبرياء".