دينا الشربيني تكشف المستور وتتحدث عن خطف عمرو دياب من زوجته| شاهد

كشفت الفنانة دينا الشربيني تفاصيل علاقاتها مع المطرب الشهير عمرو دياب، وذلك خلال استضافتها ببرنامج التوك شو الشهير "AB talks"، الذي يعرض على منصة الفيديوهات "يوتيوب"، ويقدمه الإعلامي الإماراتي أنس بوخش.

وقالت دينا الشربيني عن اتهامها بخطف عمرو دياب من زوجته: "إن أنا أخدت حد من حد الكلام ده مكانش حقيقي خالص، وكل أصحابي قعدوا يقولولي قولي إن الموضوع التاني كان خلصان من سنين طويلة".

وأضافت دينا الشربيني: "وإنهم مكانوش مع بعض بس معملتش ده، لأنك طول ما أنت عارف إنك مش عامل ده فأنت مش متضايق".

وعن الصمت خلال العامين الماضيين وعدم الحديث عن علاقاتها مع عمرو دياب قالت :"متكلمتش عشان دي مش حياتي لوحدي، فمش هطلع أتكلم عن حياة 3 أشخاص، وأنا وهي كنا صحاب جدا ولسه صحاب لحد دلوقتي، مش على راسي بطحة، وبسيب اللي يتكلم يتكلم".

وتابعت دينا الشربيني حديثها مشيرة إلى أنها تؤمن بشدة بالحب من النظرة الأولى، لافتة إلى أنها وقعت في هذا الأمر من قبل، "أنا أؤمن بالحب من أول نظرة، أنا حبّيبة، حصلت معايا مرة، أنا بحب الحب لأن إحساس الحب نفسه حلو"، مؤكده على أنها أحبت مرتين خلال حياتها، لكنها وقعت في أزمة تكرار الأخطاء ذاتها بالعلاقتين.

كما تحدثت دينا الشربيني عن لحظة تلقي خبر وفاة الفنان الراحل هيثم أحمد زكي، يوم 7 نوفمبر من العام 2019، وقالت: "أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه".

وأضافت: "كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية، هيثم كنا كلنا بنحبه جدًا بس يمكن هو مكنش عارف إحنا قد إيه بنحبه، ساعات ببقى عايزة بس الوقت يرجع أقوله أنا بحبك، وبعدين يمشي لو عايز".