زوجات يبحثن عن علاج «الملل الزوجي».. على الفيس بوك والتعليقات: «الطلاق هو الحل»

كتبت إحدى النساء المتزوجات على جروب بموقع التواصل الاجتماعي "فيس بوك" تطلب النصيحة من الأخريات عن التخلص من "الملل الزوجي"، مما أثار الجدل حول موضوع هام للنقاش.

وقالت المرأة في منشورها: «ياجماعه أفكار حلوه بليز للملل الزوجى ايه علاجه».

وكانت التعليقات كالآتي: 

علقت حنين: «سافرى لوحدك وأخرجى لوحدك وأتعشي بره لوحدك ونامى فى الغرفه لوحدك محلوله ايه مش محتاجه أفكار  ليه عايزه ترهقى نفسك مع كائنات عاشقه للنكد».

كانت الكثير من التعليقات ترد بسخرية وتنصح المرأة بالطلاق والانفصال.

بينما قالت ميرو: «بجد مش عارف الناس الي بتقول تطلقي دي عاوزه اي عندكم فكره حلوه تسعدو بيها اتكلموا غير كده يفطل السكوت احسن».

وعلقت ليلى ساخرة: «تمسكوا ف خناق بعض وتجري ع بيت ابوكي بعد م يديكي علقه سخنه وع محكمه الاسره ومفيش احسن من كده تسالي هناك الموضوع طويل ومبيخلصسشي».

وقالت هبة: «جربو تسافرو لوحدكم لو ف اطفال بينكم سيبوهم عند اهلك».

بينما علقت إيمان : «العلاج الوحيد هو أن كل واحد فيكم يبقا عنده مهاره جديده ويحكي عنها للتاني وتلاقو نقطه وسط تجمعكم مش لازم طول الوقت بس علي الاقل ساعه ف اليوم».

وقالت منة: «افصلو شويه  وكل واحد يروح لاهله يومين تلاته اسبوع كده والله الموضوع ده بيفرق وبترجعو واحشين بعض جداً .. او خروجه مع نفسكو او اعملي عشا حاجه هو بيحبها واسهرو سوا كده يعني».

وعلقت دنيا: هاتو اى لعبة تلعبوها سوا شغلوا فيلم بليل اعملوا سهره كده و اتفرجو سوا ولا تابعو مسلسل و يفضل لو حاجة انجليش و اقعدوا اتكلموا فى أحداثه و فكرته و ده هيفتح كلام و مواضيع و افكار كتير لو امكانياتكو تسمح سافروا سوا انشالله يوم غيروا جو البيت اخرجوا حتى لو هتتمشوا بس سوا كده لو بيحب الشيشة هاتيلو شيشة فالبيت و اعمليله جو حلو تغيير لو بيحب البلايستيشن حاولوا تجيبوه لو قسط حتى و جربو تلعبو سوا يعنى من الاخر اخرجى عن المألوف والعادى اللى انتو بتعملوه و جربى حاجات جديدة».