أسعار الخضروات والفاكهة اليوم الجمعة 22-11-2024
«بالصلصة ولا من غير».. خناقة المصريين بسبب الفتة على السوشيال ميديا
الأحد 10/يوليه/2022 - 08:01 م
ساندي جرجس
تعتبر «الفتة» هي الوجبة المعروفة في عيد الأضحى كما أنها وجبة مفضلة للكثير من المصريين؛ ولذلك يقوم الجميع بتحضيرها مع اللحم في أيام العيد ويجتمعون على السفرة من أجل الاحتفال بالعيد وتناول الفتة واللحم.
ولكن اختلف المصريون هذا العام على طريقة تحضير الفتة؛ حيث ظهر جدال على مواقع التواصل الاجتماعي حول طريقة تحضير الفتة واستخدام الثوم أو البصل فيها أو وضع الصلصة أو بدونها، فكل شخص يفضلها بطريقة معينة.
منشور ساخر
ومن جانبه كتب هشام منشورًا ساخرًا على موقع التواصل الاجتماعي "فيس بوك"، وقال: «مر أعرابي على قوم بياكلوا فتة من غير صلصة بطشة ثوم قام تف عليهم وجري».
اقرأ أيضًا..
كما كتب محمد: «لا يجوز الترحم على آكلي الفتة بالصلصة ابن عكا الله السكندري».
من جانبها علقت سمر: «الواحد مكسوف يقول إنه بياكل الفتة بالصلصة والخل والتوم أصلا».
وعلق مصطفى: «وهي أصلا تنفع تتاكل من غير صلصة وخل وتوم ورشة فلفل أسمر على الوش غير كدة يبقى انتي بليتي عيش في مية للبط وكان عندك شوية رز قومتي حطيتيهم عليهم».
ده أكل فراخ
وقالت نورهان: «كله بيتخانق عشان الفتة بالصلصة ولا بخل وتوم بس أنا مبحبش اختراع رز على عيش ده أصلا ده أكل فراخ».
ومن جانبه علق عبد الرحمن: «يا جدعان كله حلو والحمدلله على نعمه التي لا تعد ولا تحصى فيه ناس مش بتشوفها غير من العيد للعيد».
وقالت بسمة: «ولا ده ولا ده بعملها بثوم متشوح في سمن وأحطه على زبادي وبعدين على الفتة تحفة وخفيفة».
