أسماء جلال: «أهلي كانوا بيقولولي متلبسيش شورت علشان رجلك وحشة.. وصدقتهم»

أثارت النجمة أسماء جلال الجدل من خلال تصريحاتها مع الإعلامي أنس بوخش، خاصة عندما تحدثت عن تخويف أهلها لها وهي طفلة من أن ترتدي قصير أو شورت، وهو الأمر الذي سبب لها مشكلة نفسية عندما كبرت على حد قولها.

وقالت أسماء جلال: "وأنا طفلة كان بيتقالي ما تلبسيش شورت علشان شكل رجلك وحش، وده أثر على ثقتي في نفسي، ومكنتش بحب رجلي، وبتكسف من شكل جسمي، وكنت بحس إن عندهم حق، ومش قادرة أسامح أهلي لأني ما توجعتش من ناس عادية".

كما تحدثت أسماء جلال عن والدتها قائلة: "أمي خلتني أعيش وسط مجتمع مش شبهي، بينتقدوني ويلوموني طول الوقت، هي دلوقتي محتاجة حضن وحب وحنان بس أنا عمري ما أخدت الحاجات دي منها، بس على الجانب التاني خدت كل حاجة حلوة من بابا وهي كانت بتقوله مدلعهاش هي مفيهاش حاجة مميزة وهتخرج عن طوعنا، فحسستني لحد دلوقتي أنه كتير عليا إني أتحب".

يذكر أن أخر الأعمال الفنية التي شاركت فيها أسماء جلال كانت من خلال ظهورها كضيفة شرف في مسلسل "الكبير 6" ومسلسل "سوتس بالعربي"، والذي تم عرضهما في موسم رمضان الماضي، كما أنها تنتظر عرض فيلم "بضع ساعات في يوم ما"، ومن المنتظر طرحه بعد موسم عيد الأضحى.

..اقرأ أيضًا

بالأحمر الناري.. أسماء جلال تُشعل السوشيال ميديا بفستان كاشف للجسد