بملعقة واحدة.. 6 فوائد للعسل تحدث في جسمك لن تصدقيها.. ما هي؟
محامي قاتل نيرة أشرف يعد بمفاجآت في القضية.. وهجوم من رواد السوشيال ميديا
الأحد 26/يونيو/2022 - 07:52 م
ساندي جرجس
ظهر اليوم الأحد، في جلسة محاكمة قاتل طالبة المنصورة نيرة أشرف، المحامي أحمد حمد، من أجل الدفاع عن المتهم قاتل نيرة، وأدلى ببعض التصريحات أمام الصحفيين قائلا: «جميع ملابسات القضية سيتم عرضها في المحكمة وأوعدكم بأن وجهة نظر الرأي العام ستتغير لظهور بعض الأدلة والمستندات».
وأثارت تلك التصريحات غضب رواد مواقع التواصل الاجتماعي بشدة، حيث ألقى الجميع باللوم على المحامي، ووجه له الاتهام بالمشاركة في الجريمة.
مفيش مبرر للقتل
وعلقت عزة: «احنا عارفين أن حضور جنابك مع المتهم وجوبى بحكم القانون ولكن مهما ظهر من أدلة ومفاجآت ومستندات، ما فيش أى سبب يبرر القتل وقبل المرافعة تذكر قول الله عز وجل ﴿ وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ وَمَنْ قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِفْ فِي الْقَتْلِ إِنَّهُ كَانَ مَنْصُورًا)».
وقالت دينا: «عايز شهرة على حساب دم إنسانة ملهاش ذنب يارب كل واحد يدافع عنه يعيش اللي عاشو أهل نيرة».
وعلقت وسام: «أنا قولت برده تغيير كلامه قدام المحكمة وراه محامي قذر معندوش ضمير وعايز يتشهر وخلاص».
هياخد إعدام مهما حاولت
بينما قالت نور: «أدلة أي اتنين ارتبطو ومشيو سوا حتى لو عملوا كل حاجه سوا يقتلها لي.. بتاع اي لما تسيبه يقتلها.. خلاص بقى اى اتنين يسيبو بعض واحد فيهم يتقتل.. يا شيخ حسبي الله ونعم الوكيل فيه وفي المحامي».
وعلق ياسين: «عايز تمط وتطول بس في الجلسات لكن مهما كان المبرر محدش ادالو الحق يقتلها وأنت كـ محامي عايز تقلب الموضوع ضد البنت عشان نسقفلك ونقول انها تستاهل القتل تبقى غلطان احنا تعاطفنا مع حدث بغض النظر عن أسبابه وهياخد إعدام مهما حاولت تغير صورة البنت وتسوء فيها».
وقالت أسماء: «ايه اخبار اهل بيتك ياريتك بس تعرف أن فيه آخرة هى مش دنيا بس مفيش اى مبرر للقتل حسبى الله ونعم الوكيل».
وعلق خالد: «لا يوجد دليل أو سند أو اى مبرر للقتل يا أستاذ دا ممكن الأدلة والأسانيد والمبررات اللى حضرتك بتقول عليها دى تقوى عنصر الإصرار والترصد ...هذا إزهاق نفس دون حق».
وعلقت ولاء: «أي أدله هو الاخ ده محامي خريج تجاره ولا إيه الجريمة متصوره فيديو وكمان في شهود حتى لو كانت هي إللي ماشيه وراه مش هو بردو إعدام إن شاء الله».
اقرأ أيضًا..
