عروسة تستعد للزواج تطلب الحل: «هتجوز مع حماتي وخايفة».. والتعليقات: «اهربي»

كتبت فتاة اقترب حفل زفافها في منشور على موقع التواصل الاجتماعي "فيس بوك" مشكلتها التي تجعلها تشعر بالخوف من الزواج، وهي الزواج مع حماتها في نفس المنزل، وكانت تطلب نصيحة الأخريات في ماذا تفعل بهذا الخوف، وكانت التعليقات جميعها تشجع الفتاة على فسخ الخطبة والهرب من ذلك الزواج الذي سينتهي بالفشل.

وكتبت الفتاة في منشورها: «انا هتجوز بعد العيد الكبير بس هعيش مع حماتي فى نفس الشقه والفكره انا دي خايفه منها اوي مش هعرف اخد رحتي حسه بكده في البس أو التعامل مش عارفه اعمل اي بس بقال فتره طويله بفكر اني اسيب خطيبي لأن هو مش هيعرف يجيب شقه خلاص ومش عايز يأجر بره خايفه اظلم نفسي وبعدين انا طول الوقت حسه انه بيتها هي مش بيتي انا اعتبروني اختكم عايز حل خايفه اني مقدرش اعيش معاها ف نفس الشقه اعمل اي بالله عليكم».

علقت يسرا: «مش هترتاحي ابدا ولا عمرك هتحسي انه بيتك خلي علاقتك كويسة معاها وف نفس لوقت خليه يشوف شقة برة حتى لو صغيرة مش مشكلة بس تكون بيتك وتعملي فيها حياه خاصة».

وقالت سارة : «الحقي نفسك من دلوقتي وفكي الخطوبة احسن عشان مش هتعيشي مرتاحة».

وعلقت آية: «انتي لسة ع البر.. سبيه دلوقتي احسن ما تتجوزي وتتطلقي وياسلام بقي لو معاكي عيال كمان هتتبهدلي احلي بهدلة انفدي بجلدك من دلوقتي وربنا يعوضك ويعوضه خير».

بينما قالت نور: «لو هى ست كويسه وبتتقى ربنا صدقينى هتكون ام تانيه ليكى ومش هتحسيك باى فرق وهتحسي براحتك معاها وهتكون صحبتك اكتر من حماتك انتى والحيده اللى تقدري تقررى وتعرفى شخصيتها عامله ازاى طيبه وهتكون ام تانيه ولا هتكون فعلا شخص غير امين تعيشي معاه».

وعلقت سماح: «والله اللي ممعهوش ميلزموش وخطيبك رافض يجيب شقه برا او انه مش قادر اناي كمان مش قادره ومش هتقدري وفعلا هتتعبي جدا جدا ومش هتكوني علي حريتك، وبعدين هي حماتك بس ده هيبقي سبيل يا امي بوصي لقدام الزيارات وكل حاجه علي بيت مين بيت حماتك اكلهم وشربهم وكل شئ عند مين عند حماتك تقدري بقي تتكلمي ولا تقولي حاجه لا طبعا انتي وافقتي وانتي اللي لازم ترضي فسيبك من القصه دي وانتي على البر احسن».

وقالت رباب: «فكري كويس وسيبك من كلام اي حد هل هو شخصيا كويس وحنين ومحترم وبيراعي ربنا معاكي لو اه يبقي اعتبري أمه امك وملهاش حد وربنا يديها الصحه مش هتعيش اد اللراح خدي ثواب ودعوتها ليكي ولابنها ترزقكم وتسعدكم».

وعلقت ناهد: «اوعي تعملي كده في نفسك اساسا عمرك ما هترتاحي ولا تاخدي راحتك اللي هيقولك اعتبريها زي امك ماشي ع عيني بس امك وانتي ليكي شقه وعفش وحياه مستقله انتي لو اتجوزتي هتطلقي ولو أطلقتي بلح ملكيش اي حاجه لأنها مش شقته اسااسا وانتي داخله علي شقه امه لا لا لا مجرد الوضع مرفوض تماما، وهو سلبي جدا يعني ايه مش عايز يأجر شقه حضرتك الشقه قبل العروسه اساسا والي ميجبش المهم يبقي مش هيجيب اي حاجه ولا هيبقي نافع زوج ولا اب ولا حتي راجل».