عروسة تسأل عن «الخلفة أول سنة جواز».. والتعليقات صادمة

اكتفت امرأة تريد الحصول على آراء في سؤال يُحيرها بكتابة منشور من عبارة واحدة فقط على موقع التواصل الاجتماعي "فيس بوك"، وكتبت عبارة «الخلفة في أول سنة جواز»، وتركت الأخريات تفهم ما تُعاني منه من تفكير وحيرة وتمنحها آراء ونصائح في التعليقات، مع التصويت "مع أو ضد".

وكانت نتيجة التصويت 80٪ ضد و19٪ مع، بينما كانت التعليقات كالآتي:

حيث قالت يسرا: «ملهاش علاقة بالوقت ليها علاقة انتي مختارة شخص صح وواثقة من اختيارك ومتأهبة نفسيا تتحملي مسؤولية طفل ولا لاء ما دام الاختيار صح هتحسي بالاستمتاع والفرحةً في كل مرحلة جديدة في حياتكوا».

وعلقت أميرة: «كنت ضد جدا بس للأسف ربنا اراد اني احمل من اول اسبوع تقريبا الموضوع صعب ومسؤولية كبيرة اوي اوي فوق مما تتخيلي».

وقالت رحمة: « ثلاثة اربع اللي كاتبين نأجل كذابين ومعاهم عيل اول سنة جواز عادي».

وعلقت آية: «ضد أول ٦ سنين بجد الخلفه مرهقه فوق الوصف رغم جمالها».

ونصحتها هدير قائلة: «أنا مع انك تخلفي أول سنه بجد اجمل احساس انك تكوني ام ومش حاجه وحشه للدرجه».

وعلقت إسراء: «هو انا ضد مش علشان المسؤليه لا علشان تعرفي بس الشخص ده الي هينفع يكون اب بمعني اصح هيظهرللك فعلا ع حقيقتة ف هتقدري تقرري مصيرك معاه».

وقالت علياء: «ضد،  استمتعي بحياتك في الاول أنا مع فكره دي بس النصيب جيلي احلي بنوته في الدنيا وكنت منعه فلو تقدري تاجلي اجلي».

وعلقت ريهام: «مش محتاجه تاخدي فوت دي حاجه ترجع لمقدرتك النفسيه والصحيه وترجع لزوجك لمقدرته الماديه والنفسيه».