في واقعة تحرش جديدة شهدها الشارع المصري، تعرضت الإعلامية سالي عبد السلام لواقعة تحرش وقامت بتوثيقها بالفيديو.

ونشرت سالي عبد السلام فيديو الواقعة عبر حسابها على موقع الصور الشهير إنستجرام، وكتبت معلقة عليه: "ده واحد وأنا قاعدة من شوية في العربية ومنزلتش حتى بشرب كوفي أنا وريم صاحبتي في البنزينة اللي جنب بيتي جه يستظرف "معاكي شاحن؟؟" رديت بكل أدب لا، ودخل بدماغه يشوف! بعدها انتي متضايقة ليه!!؟، قولتله حاجة متخصكش واتفضل امشي".

وأضافت: "لا متكلمينيش كده، قولتله اتفضل من هنا، مفيش، ولسة هيقل أدبه ويستظرف تاني صورته فيديو، لما الناس اتلمت بيقولهم كنت بطلب شاحن! الرجالة بقت بتقوله هو معلش".

وتابعت : "السؤال هل هو العادي إن أي حد ممكن يكلم بنات ويستظرف ويدخل جوا العربية وعايزنا نسكت؟! ليه!؟ إحنا حصلنا إيه؟! السؤال بقى هو مين ده؟ وهل ده عادي؟ في بنات هتقبل ده عادي! مجتمعنا شايف إنه عادي؟ ولما أقوله امشي ميمشيش".

حملة إلكترونية

ومن جانبه أطلق المجلس القومي للمرأة حملة الكترونية بعنوان "كن المنقذ في قصة غيرك" عبر صفحته على موقع التواصل الاجتماعي الفيسبوك بالتعاون مع مؤسسة مطمن، والهدف من تلك الحملة التعريف بطرق مواجهة التحرش في الأماكن العامة بطرق مبتكرة لمواجهة تلك الظاهرة بشكل نهائي.

سالي عبد السلام

بدأت سالي عبد السلام، العمل في المجال الإعلامي، من خلال تقديمها برنامج «خلي بكرة أحلى» في محطة «ميجا إف إم»، ثم انتقلت إلى راديو «9090»، لتقديم برنامج «طلقة على الطريق»، وبعدها قدمت برنامج «المتوحشة» على شاشة النهار.

حصلت سالي عبد السلام، على جائزة أفضل مذيعة في مسابقة دير جيست، في 2012 و2015.

اقرأ أيضًا..

والد حسام حبيب يدافع عن نجله بعد أزمته مع شيرين: "الأيام ستكشف الحقيقة"