عبوات السرطان على الرصيف «قمر الوكالة» تبيع مستحضرات التجميل المغشوشة برخص التراب

اعتادت إحدى بائعات مستحضرات التجميل بوكالة البلح، والتي عرفت إعلاميا باسم "قمر الوكالة"، على الجلوس على الرصيف لعرض منتجاتها مجهولة المصدر من مستحضرات التجميل، وبأسعار زهيدة الثمن للغاية، لتتسع شهرتها وتصيح حديث مجموعات الفتيات على الفيس بوك بسبب رخص أسعارها وترويجها لمنتجات تعتبر علامات تجارية عالمية ذات أسعار باهظة ولكن سعر بخس، فأصبح الهجوم عليها كبيرا وشبهها البعض بتجار المخدرات الذين يبيعون السموم لإفساد عقول الشباب..

سقوط قمر الوكالة

وبعد الضجة الشديدة التي دارت حول "قمر الوكالة"، ألقت الأجهزة الأمنية بالقاهرة القبض عليها بتهمة بيع مستحضرات تجميل مغشوشة ومجهولة المصدر بعد رصدها مقاطع فيديو لها تُعلن فيها بيعها مستحضرات تجميل للسيدات، مما قد يعرض حياة المواطنين للخطر، وجار العرض على جهات التحقيق.

واعترفت «قمر الوكالة» عند مواجهتها بمقاطع الفيديو والمضبوطات أن هذه المستحضرات مملوكة لها وتعمل على بيعها للمواطنين، ليتم التحفظ على المضبوطات.

الهجوم على قمر الوكالة

وأثار القبض على "قمر الوكالة" جدلًا كبيرًا بين الفتيات والسيدات على صفحات مواقع التواصل الاجتماعي، بين مؤيدة لها ومدافعة عنها، لأنها توفر مستحضرات التجميل وأدوات المكياج لـ"الغلابة" بأسعر زهيدة، وبين من يرين في ذلك خطرا شديدا على الصحة لأنها تبيع منتجات مغشوشة ومجهولة المصدر..

وقالت أسماء رضا: "هو بجد في ناس متعاطفة مع قمر؟ وناس شايفة إنها مش غلطانة ومضربتش حد على ايده وإنها بتسعى على اكل عيشها، مش شايفين إنها زي اللي بيقدم اكل منتهي الصلاحية واللي بيديك علاج مضروب.

وتساءلت: "إيه اللي يخليكي انتي كـ بنت تروحي تشتري منها ب الملاليم دي وانتي عارفه انها أقل من عُشر تمنها، هل في شك 1% أنها اصلي يعني، متعرفيش انه ممكن يسبب سرطان الجلد وحروق واكزيما وحبوب ، دا على أقل تقدير، في منتجات مصرية وعادية مش براند عالمية، بتعمل نفس المفعول تقريبا و الاسم أصلي.

وأضافت: "نغمة غلابة وعايزين يجربوا وياكلوا ويعملوا دي بقت مستفزة صراحه اللي أعرفه ان اي طبقة في حاجات بالنسبة لها متاحة وحاجات لأ واللي انا شايفاه رخيص واقدر اشتريه غيري ميقدرش يشتريه لأنه غالي عليه .. وفي غيري برضه شايفه رخيص اوفر وأكيد مش حلو".

أكل عيش حرام

بينما قالت دينا أحمد: "اه هى بتاكل عيش من شغلها، بس أكل عيش حرام يعنى الفلوس اللى بتدخلها فلوس حرام لما تعبى اى حاجه فى الازايز وتبيعها للبنات وتجبلهم أمراض وفى بنات فعلا متعرفش الفرق بين اللى معمول تحت السلم وبين الاروجينال وحاجتها رخيصه فبالتالى اللى هيروح عندها هيبقا ع قد حاله ولما تجبلهم امراض هيعرفوا يتعالجوا منها هى اصلا لو معاها فلوس هتروح تشترى حاجه رخيصه اتقوا الله قبل ما تدافعوا عن حد مؤذي دى زيها زى اللى بيبيع مخدرات واللى بيبيع لحمه فاسدة وغيروا كتير بيبقوا عارفين إن الحاجه دى مؤذية بس عندهم الفلوس أهم وحسبى الله ونعم الوكيل فيها هى واللى زيها واللى بيدافع عنها".

اقرأ أيضًا..

"نصب علني" عضو شعبة مستحضرات التجميل يكشف عن كارثة!