امرأة تشكو: «جوزي محضرش عزا أبويا» والمتابعات: «معندوش أصل»

نشرت امرأة مشكلة تخص علاقتها بزوجها على موقع التواصل الاجتماعي "فيس بوك"، حتى تحصل على آراء ونصائح النساء الأخريات في التصرف الصحيح.

وكتبت تلك المرأة في منشورها: «السلام عليكم ورحمة الله وبركاته أنا والدي اتوفي من أسبوع وجوزي مجاش العزا ولا سأل ولا كلمني حتى علشان يعرف عملنا ايه ولا اطمن عليا وده كله علشان قبل ما ولدي يتوفي كان في مشاكل معاه بسبب اني كنت غضبانه ومسكو في بعض ومن ساعتها مبيكلمهوش وانا دلوقتي لسه في بيت بابا، وهو مجاش خالص العزا وكله بيسال عليه وانا موجوعه انه موقفش جنبي في وفات والدي دلؤقتي الحل ايه افضل في بيت ابويا ولا ارجع بيتي انا هاخد برائيكم او لو حد مر بظروف زي دي مع العلم عندي بنت ولد».

وكانت التعليقات جميعها تدل على الغضب والاستياء من زوجها الذي لم يراعي أنه السند لها بعد والدها وأن مهما كانت الخلافات فلا حق له عدم الحضور، وقالت فريدة: «لا تروحين بيتك المفروض اول حدا يكون حدك سندك بعد سندك ما راح هو السند الله بس المفروض الزوج سند بعد ما البنت تفقد اعز مالها».

وعلقت مريم: «ضلي حدك اطمني في بيت ابوكي لحدا ما يتعلم يكون اصيل لانو بلا اصل».

علقت هدير: «الراجل لو مكنش امان وسند الست يبقي مالوش لازمة الحنيه بتبان في الزعل ومش وانتو كويسين انتي فيه جدار اتبني بينك وبينو عمرك ماهتعرفي تنسي وعمر الدنيا ماهتبقي كويسه بينكو بس قبل اي قرار راجعي نفسك انتي وبوصي ل اولادك اسمعي الصوت ال بتسمعيه جواكي سواء صوت عقلك اوقلبك وربنا يصبرك علي وفاه والدك ويسرلك امورك».

وقالت هدى: «دا والدك لا ماتروحيش ولازم تاخدى موقف لو أبوه هو اللي مات ولا امه وانتى ما حضرتيش ووقفتي معاهم كان طلقك فيها».

وعلقت جيجي: «عدم حضور الجنازة هو يتحمل وزره وانتي ارجعي بيتك هو عزائه ولا هينفع والدك ولا هيشفع له دعاءه هو اللي هينفع والدك (ولد صالح يدعو له) قابلي الإساءة بإحسان وخصوصا لو كان زوجك كويس وده مجرد موقف عارفه انه صعب لكن كلنا ناقصون محدش كامل الا الله سبحانه».

قالت أسماء في تعليق آخر: «الأصل محدش بيشتريه للأسف وللأسف هترجعي بيتك كأي زوجة مصرية خايفة من الطلاق والناس بيقولولها كملي علشان ولادك معرفش ليه البشر أخلاقها بقت واطية كدة لا حول ولا قوة الا بالله ربنا يرحم والدك ويرحم الغالين».

بينما علقت مروة: «الزوج سند وظهر .. الزواج مش أكل وشرب، الزواج مودة ورحمة ومشاركة .. لو جوزك محترمش حزنك والمصيبة دي يبقى امتى هيقف جنبك .. الزوجة لو محستش بأمان مع جوزها يبقى لزمة الزواج ايه، الامان مش دايما مادي، الامان إنه وقت ما اقع هتسندني، وقت ما اتوجع هتطبطب عليا .. عدم احترام جوزك لأن ابوكي في دار الحق وعدم تجاهله لاي خصومة ده بيقولك إنه مش بيعتبرك جزء منه، الشرخ بينكم هيكبر وبصراحة ده مش جواز».