بملعقة واحدة.. 6 فوائد للعسل تحدث في جسمك لن تصدقيها.. ما هي؟
«الطليق الحنين رزق».. رجل يرغب بشراء ملابس العيد لطليقته لأن زوجها بخيل
الأحد 01/مايو/2022 - 11:28 م
ساندي جرجس
أثار منشور لرجل على موقع التواصل الاجتماعي "فيسبوك" جدلاً واسعاً بين النساء والرجال، حيث يتساءل هل من المناسب أن يعطي طليقته المال مثلما يعطي أبنائه أم لا بسبب بخل زوجها الجديد.
وكتب الرجل في منشوره: «طليقتي متجوزه راجل بخيل جدا ومبيصرفش عليها خالص وانا اشتريت لبس لأولادي علشان هما عايشين معاها ينفع ابعت لبس ليها علشان دي أم أولادي وأحب تكون مظهرها كويس وعايز ابعت ليها فلوس زي ما ببعت لأولادي ممكن رأيكم ابعت ليها ولا اعمل ايه ؟؟؟».
وكانت التعليقات كالآتي:
قال أسامة في تعليق: «قد ايه أنت شخص طيب وحنين ونيتك صافية وياريت كل الناس زيك.. سيبك من الأفكار الشريرة التانيه ديا».
بينما علقت ليلى: «عرفت قيمتها دلوقتي! سيبها في حالها وابعد عنها ».
وقال خالد في تعليق: «ربنا بيفكرنا وبيقول (وَلَا تَنْسَوُا الْفَضْلَ بَيْنَكُمْ) انت اكتر واحد على الكرة الأرضية دي عارف ازاي تودي الفلوس وتساعدها من غير ما تجرحها أو تحسسها بحاجة وانك تجبر بخاطرها ولعل الله يحدث بعد ذلك أمراً».
بينما علقت أسماء: «ابعت ليها فلوس بزيادة مع مصروف الولاد وهات للاولاد هدومهم وجزاء الله كل خير، انما مينفعش تبعت ليها هدوم هتعملها مشاكل».
وسخر منه عمر وكتب: «ياعم واحدة اتجوزت غيرك وبتفكر تساعدها ياعم سيبها يعذبها كمان وكمان اهم حاجة ولادك بس».
ولكن علقت نيللي: «الدنيا بقت وحشه لدرجة إن كل الكومنتات مش مصدقه إن في حد ممكن يكون كويس بعد الطلاق وبيفكر بأخلاق واحترام والستات مش مصدقه والرجاله دماغها في حاجات تانيه، ( وَلَا تَنسَوُا الْفَضْلَ بَيْنَكُمْ ۚ إِنَّ اللَّهَ بِمَا تَعْمَلُونَ بَصِيرٌ).... صدق الله العظيم
لا إله إلا الله ربنا يرحمنا».
وقال ماريو: «انت راجل محترم والله خليها تطلق وارجعوا عيشوا مع بعض عشانكم وعشان عيالكم».
اقرأ أيضًا..
