تصدر اسم الملحن عمرو مصطفى، التريند عبر مواقع التواصل الاجتماعي، اليومين الماضيين، بعدما شن المتابعون هجومًا عنيفًا عليه، بعد تصريحاته التلفزيونية التي أدلى بها عن الهضبة عمرو دياب، والتي هاجمه من خلالها.

ويبدو أن الهجوم الذي شنه عمرو مصطفى على الهضبة، لم يغضب فقط الجمهور الذي وصفه بكونه ناكرًا لجميل الهضبة؛ لأنه من قدمه للساحة كملحن، وأغلب نجاحاته كانت معه؛ حيث استفز ذلك عددًا من الفنانين ومن بينهم النجم تامر عاشور، الذي خرج للرد على الملحن الشهير.

وهاجم عاشور، عبر صفحته على "فيسبوك" عمرو مصطفى، قائلا: "النجاح يعني أعمال مش كتر كلام وأقول هعمل وأسوي عايش أتريق على ده وده بقالي سنين - التاريخ جميل مفيش شك بس بيعتمد على الوقت يعني نقيم اللي شغالين دلوقتي لما يقعدوا نفس الزمن اللي انت قعدته ونشوف - لكن تقييم دلوقتي اسمه جهل بالتاريخ".

وتابع: "ومش هاجيب سيره عمرو دياب  كتير بس هو الڤاترينة اللي قدمتك للناس بـ"خليك فاكرني " سنة 99 يعني كان عندك 13 سنة حسب كلامك مع الإعلاميه أسما إبراهيم - مش عامر منيب  اللي قدمك".

واستكمل: "عامر فعلا ليه فضل على كل الناس وأنا منهم بس مش هو اللي قدمك متزييفش التاريخ اللي عمال تتمسك فيه - ونعمل سيرش على كل اسم من دول نلاقي أعمال تخض وتاريخ يزعلك شخصيًّا مش برامج وتخبيط وهخليهم يعتزلوا، ومحدش بينجح والكلام العجيب ده وفي الآخر تقولي مصر!! ما تطلع تتكلم كويس على فنانين مصر طيب  - وقصه نبضات القلب بتاعت الأغاني دي بلح- وهنغير الذوق العام هتغير  الذوق العام - بإيه هتغير الذوق العام  وماله أصلا الذوق العام - هو علشان بقى في حاجات بتنجح مش انت اللي عاملها بقى الذوق وحش!!  بالتخبيط في ناس تاريخ ووجه مصر حقيقي هتغير الذوق العام!!".

واختتم: "السر في عمرو دياب صدقني، والدليل إن كل أغانيك مع أي حد غير عمرو زيها زي باقي الأغاني ولا راحت عالمية ولا حاجة، ود مينقصش من فنك ولا موهبتك ومش عيب إحنا ثقافة وجمهور كبير والعالم كله بييجي دلوقتي يعمل في عالمنا أغاني وحفلات "متستقلش" وكلامي على عمرو مصطفى".